استخاره +حلم ؟؟ بنات المشورة أرجوكم أحترت أسوي العمليه !!!!

[حياتي توأمي]

السلام عليكم يابنات

حبيباتي طبعا أغلبكم عارف من مواضيعي السابقه اني ناويه اسوي عمليه ازاله تكيسات بعد الدورة ماتنزل هذا الشهر
وحاليا انتظرها تنزل .. أغلبكم نصحنيي بالاستخاره وأغلبكم نصحني اسوي العمليه وارتاح واغلبكم نصحني بالأعشاب
. طبعا لجأت لرب العالمين سبحانه لأنو ماخاب من استشاره ..
بنات ..
اول يوم صليت استخاره حلمت حلم مو حابه اذكره لأني كنت خايفه منه وقمت من النوم متضايجه بصراحه ومو حاسه اني سعيده .** فسرته الأخت قيثاره وماقصرت الله يجازيها الخير
وقالت انو خير ....
طبعا انا توكلت على رب العالمين وعلى اساس اني اسوي العمليه من نتيجه تفسير الحلم
والأخت قيثاره قالتلي أشاوركم بالمنتدى عن موضوع العمليه لأن الرسول عليه افضل الصلوات قال: وأمركم شورى بينكم .. وانا مالي غيركم اشكيله وافضفض له الله لايحرمنا من بعض ومن خبرات وتجارب بعض ..
حبيباتي المشكله
أمس حلمت حلم ثاني لكنه بدون استخاره بس كان حلم عن العمليه
تخيلوا حلمت اني اسوي العمليه وكان حلم مخربط شوي ويخوف شوي شفت بالحلم نفس الصندوق الزجاجي شفاف كبير وامتلأ دم أحمر وبعدين سوتلي العمليه الدكتورة وسألتني من بعد العمليه هل صار جماع قبل العمليه قلتلها هي صار فقالتلي لي ماقلتي ممكن تكوني حامل وانا سويتلك العمليه المفروض كنتي قلتي انه صار جماع .. وانا كنت مستغربه من كلامها
وبعدين كأني نايمه على سرير معرج يعني ماكان مريح .. وفي اشياء ثانيه لاأتذكرها بالحلم
المهم بنات انا مو مرتاحه بصراحه !!! وخايفه بنفس الوقت
قلت لزوجي قال لاتسوي العمليه
والبارحه مثل ماخبرتكم نزلت عيا افرازات وحسيت بحرقه بالبول ومثل ما انتوا عارفين انا اتجهت لقرار العمليه من بعد أخذي ابر تنشيط وكانت بويضاتي كثيره تقريبا 9 بويضات لكن كلهم صغار جدا جدا وماتنفع للحمل !!!
وقررت انا ودكتورتي نسوي العمليه بعد نزول الدورة في هذا الشهر
وموعد دورتي بعد 5 ايام وأنا خايفه ومحتاره وطالبه مشورتكم الله يجازيكم الخير يارب ريحوني بردودكم ..
طبعا نزلت موضوع امس عن حرقه البول وانتم بكرامه والافرازات الشفافه والأخوات ماقصروا في منهم نصحني وقال شوفي ممكن يكون تبويض متأخر قبل الدورة بأيام ؟؟؟ ومنهم من قال انو اعراض حمل ؟؟ الله يعطيهم العافيه
طبعا شكيت يكون ممكن تبويض متأخر وخاصه انوا الافرازات شفافه ومطاطيه .. وبعد ماقرأت ردود الأخوات عن التبويض المتأخر على طول سمعت بالنصيحه وخذيت موعد للدكتورة بنفس اليوم أمس( دكتورة أخرى مو نفسها اللي راح اسوي عندها العمليه ) وكشفتني الدكتورة سونار داخلي وقالتلي تبويضك صغير .... وسألتها عن التكيسات وقالتلي انو صحيح تكيسات قويه لكن انتي مو في حاجه للعمليه طبعا انا قلتلها على العمليه .. فقالتلي انتي محتاجه علاج صحيح فقط .. وقالتلي المفروض دكتورتك ماتعطيك ابر تنشيطيه من سادس يوم من الدوره المفروض عطتك باليوم الثاني من الدورة عشان تلحق البويضات تكبر !!!
فاستغربت وقالت مو لازم عمليه تعاليلي بعد مالدورة تنزل وانا بعطيك الدواء المناسب لحالتك اللي تخلي البويضه تكبر.. طبعا حسيت من الأفضل تأجيل العمليه !! مو عارفه شو اقول ومحتاره جدا والله يستر ومتأمله فيكم بنات
بشو تنصحوني جزاكم الله خير الجزاء..
مع العلم اليوم صباحا وانتم بكرامه ماحسيت بحرقه البول اللي حسيت فيها أمس ومافي افرازات شفافه !! بس اليوم وانا اتغسل ومسحت بالمنديل شفت دم أحمر فاقع وعذرا عالوصف ريحته نفس ريحه الجرح العادي يعني مو ريحه دم دورة وكان نقطتين يعني جدا خفيف وتوقف ؟؟؟
معقوله يكون هالدم من السونار الداخلي تبع أمس ؟؟؟ مع العلم الدكتورة دخلت الآله اللي تكشف فيها الاتهاب اللي نفس الحديده تقريبا مو عارفه شكلها المهم ممكن تكون هي السبب وسببتلي جرح بالمهبل ؟؟ مع انه مانزل عليا هالنقطتين الدم ألا اليوم بس يعني مو بعد الكشف مباشره ؟؟ والله محتاره