ابي مساعدكم الله يسعدكم

[لمى**]

السلام عليكم
كيفكم يا خوات ؟ والله لكم وحشه بس تراني متابعه اخباركم واحب اتصفح كثير المنتدى بس على الصامت
المهم خواتي انا دورتي مو منتظمه يعني مالها وقت محدد جتني في 15/2 والشهر الثاني جتني 23/3 رحت للدكتوره قالت طبيعي وماعندك شي الحمد لله فاعطتني منظم اخذته من خامس يوم في الدوره الين اامس خلصت الشريط بس الشهر هدا صار شي اول مره يصير قبل اسبوعين انا كنت عند اهلي ولما رجعت لزوجي صار جماع اول يوم وكان طبيعي الحمد لله لكن بعد مرور يومين صار جماع ثاني بعد ما انتهى لقيت تحتي دم احمر كثير مع فتافيت لحم
اتجننت وصرخت لما شفته قمت من مكان واتحممت وعلى طول انسدحت على ظهري وقعدت افكر في وضعي وفي الدم الي نزل لاهوا دم دوره ولا اجهاض لاني كنت مسويه تحليل حمل الشهر الي طاف وطلع سلبي
المهم قعد معاي الدم ليله واليوم الثاني نزلت مني افرازات شفافه مع خيوط دم وكنت احس وقتها بالم في بطني وظهري وبعدها اختفى الدم والالم ولا كان صار شي
الحين انا منتظره الدوره بس عندي اعراض مدري هي من حبوب التنظيم او عشان الدوره بتجي بس اول مره تجي الاعراض دي احس بالم ووغز بجنبي الايسر واحس صدري ثقيل ويوجعني ويزيد وجعي في الجنب خاصه لما اكون نايمه على جنبي وريحة البول الله يكرمكم كريه لكن لونه طبيعي ولما اشتغل او اصحى من النوم احس ظهري يوجعني ولي كم يوم معصبه ومزاجي مو رايق
الي ابي اعرفه شو هذا ومين مر عليها نفس حالتي
ساعدوني الله يسعدكم والله يجزاكم الجنه