مشاكلي مع اهلي واهل زوجي يوم ماحملت

[شمايل بنت الدمام]

السلام عليكم ورحمة الله وبركاته

حبيت اقولكم معاناتي مع اهل زوجي و اهلي ...

اول شي عمري 19 وزوجي 33

مر على زواجي سنتين ونص وانا ما حملت ..

اهل زوجي قالوا روحو كشفو فشلتونا انتو لسا ماجبتو شي..

زوجي قال :. مو كاشفين واللي يجي من الله حياه الله ...

واهلي قالوا تطلقي منه هو مافيه عيال ..

طيب قلت لهم ليه كشفتو عليه قالوا بس ماشفنا شي ..

قلت لهم يمكن العيب مني طيب قالوا اجل لا تدخلين بيتنا


و 5 شهور وانا مااكلمهم وهم ما يكلموني ..

اهل زوجي يقلون خلاص طلقها مانبيها مافيها عيال ...

سكتنا سكتنا ع هالمشاكل ...

وفجااه وبدون علاج الدوره ماجات .. قلت بحلل بالمستوصف

بس قلت لزوجي ان بطني يعورني وبروح اشوف من شنو
مايدري اني بحلل للحمل عشان مااتفشل ان ما طلع حمل


حللت ... تكرمون بول قالوا الف مبروووووووووووووك

حاااااااااااااااااامل والله العظيم اني بست الدكتوره حبيتها وضميتها وصحت

وهي تقول ليه ليه مستغربه انك حامل قلت لها انا ااااحبك

واطلع عند زوجي بورق الحمل واحس كني اميره ويقول وش صار ع بطنك

لمست بطني وقلت له منو تتوقع داخل بنوته ولا ولد والله العظيم من الفرح ادمعت عينه ...






والحين انا حامل لي 5 شهور وماعرف متى اخر دوره هههههههه


لا تسمعوووووون كلالالالام الناس والله بتخسرون اشياء كثيره لسمعتوهم

[طعمي توت]

ماشاء الله
الله يتمم حملك حبيبتي ويرزقك
صح كلام الناس يحطم
والناس مايرضيهم شي
الله يوفقك قلبي ولا يغير سعادتك ويحفظ لك حملك وزوجك

[شمايل بنت الدمام]

الله يخليك حبيبتي ويحفظك من كل شر

[انتظر متى احمل]

ما شاء الله تبارك الله
صبرتي ونلتي
من جد الصبر الصبر الصبر الصبر عسى الله ان ياتينا بالفرج القريب
يارب لاتذرني فردا وانت خير الوارثين
الحمد لله على كل حال

[شمايل بنت الدمام]

مشكوره حبيبتي انتظر ..

وعقبال مااشوفك تقولين باركولي انا حامل

وانشاءالله قريب بس قبل ماتنامين ياليت تقرين سوره البقره بنيه الحمل

وانشاءالله خير ...

[رهـف]

الف مبروك وربي يتمم لك ع خير

ويقومك بسلامه

[الهاجس]

الف الف مبروك شمايل..

والله انه دمعت عيني وانا اقرا قصتك..لان انا ماحملت الا بعد اربع سنوات تقريبا من الزواج..الحمدلله على كل حال..وحاسه فيك..

يالله يارب يسهل عليك ويفرحك فيه ويجبر خاطرك ويجعله من الذريه الصالحه المعافاه.. ويرزق كل المحرومات امين يارب..

[شمايل بنت الدمام]

يسلمووو.. رهف
والله يبارك فيك..

[عروس البحر]

الله يثبته طيب قوليلي وش قالو اهلك واهل زوجك نصيحه مني طنشيهم الحين ولاتختلطين فيهم كثير

[عروس البحر]

عادي حبيبتي انا لي سنتين صدق اهلي يتدخلون واهل زوجي بس بطريقه غير طريقة اهل واهل زوجك يعني يقولون روحو اكشفو ورحنا والحمدلله زوجي سليم وانا عندي ضعف شديد والحمدلله تعالجت شهر بالكلوميد ونفع بس ماعاد تعالجت ثاني الحمدلله على كل حال ادعيلي احمل بتوأم