ممكن دقيقة من وقتكم

[أنثى برائحة الورد]

مساء الخير

اخواتي ابغى ارائكم ونصائحكم ساعدوني عن جد احس اني بنجن

زوجي بيتزوج ثانية انا في البداية اعترضت وزعلت وبكيت وحملت حالي ورت لبيت اهلي ورجعني لما رجعت حاولت اشيل هالفكره من باله بالنقاش والتفاهم والهدوء لكن لاحظت كل ماله يتمسك بهالزواج اكثر
استسلمت ورضيت بالامر الواقع خاصة واني عارفه مكاني وقدري عنده والله ادري والكل يدري انه يحبني
بس المشكله مو قادره اتخيل انه لغيري عن جد ترى انا اكتب لكم وانا ابكي سامحوني ع هالكلام بس كيف اقدر انام وانا عارفه انه بحضن غيري
كيف يجيني نوم بيوم من الايام وهو مو جنبي
هو حنون وطيب كثير يعني حنانه بتتمتع فيه وحده غيري
كلامه الحلو بيسمعه احد غيري
اذا تاخر يجيني احساس قوي انه جالس يكلمها برا لانه مايكلمها قدامي اذا كان بالبيت
هالفترة مشغول بشقته الجديده اللي راح تكون قدام شقتي يتاخر عن البيت كثير ولما اساله يقول كنت بمشوار
كل ماقلت انسى واطنش يجيني شي واحترق من داخلي
والله احترق بنات حطو نفسكم مكاني انا مالي الا الله ثم هو
انا يتيمه وامي متزوجه حتى كلام مقدر اكلمها دايم زوجها مانعني منها ومالي الا اهل ابوي ومو متقبليني كثير
يعني والله اطالع الله ثم اطالعه حبي له شي خيالي تزوجته وانا صغيره وتعلقت فيه كثير مقدر اسوي شي الا لما ارجع له
شفت فيه حنان ابوي اللي فقدته وخوف الاخ اللي ماعرفته وطيبة الزوج اللي حبيته
امانه كيف تجي وحده تاخذ كل هذا مني
يقولي محد ياخذ مكانك انتي ملكة قلبي انتي الحب الاول انتي عايشه بداخلي العلاقه اللي بيننا عشق من زمن ماينتهي
طيب انا كيف اتخلص من الافكار اللي تجيني والله احس اني شوي وانجن والله