استفسار عن نقاط الدم قبل الدوره

[امل في الله]

بسم الله الرحمن الرحيم
ازيكم يا اخواتى عاملين ايه ان شاء الله يكتب لنا الصحه والعافيه والى مش حامل ربنا يرزقها الحمل العافى المعافى الشهر ده وال حامل ربنا يتم حملها على خير ويسهل ولادتها
بسألكم يا بنات الى تعرف تفيدنى ربنا يكرمكم

انا فاضلى 3 او 4 ايام على ميعاد الدوره باكتير وهى ماشاء الله ما بتتأخر عليا بس ممكن تتقدم يوم او يومين
النهارده صحيت من النوم وطبخت وقعدت استنى جوزى ومن ساعتين كده دخلت الحمام اكرمكم الله وبعد ما خلصت بنشف عافاكم الله لقيت مسحه دم خفيفه اوى طبعا اتخضيت وفرحت وخفت كل حاجه وبعدين توكلت على الله وقلت كل الى يعمله ويجيبه ربنا كويس
وحطيت منديل ومن 10 دقايق دخلت تانى اشوف ايه الحكايه لقيت المنديل نظيف ومش فيه اى حاجه بس مسحت تانى لقيت بردو دم خفيف اوى
يارب يكون حمل وربنا يفرح قلبى ولو ربنا ما اردش طلعت دوره بردو الحمد لله انها مش بتتاخر عليا وتسيبنى للفكر والقلق
بس سؤالى يا بنات
النقط الخفيفه دى تعتبر دوره ومينفعش معاها صلاه ؟؟؟؟

اسفه جدا على التفاصيل الكتيره بس قصدى اشرح الموضوع ليكم
الله يكرمكم فيدونى