يالغاليات ابغا حل مع زوجى الله يوفقكم...

[ام المسك]

السلام عليكم بنات ابا اقولكم مشكلتى وابا حل لها مالي بعد الله الا انتهم انا زوجى مرا تبع اهله يعنى انا اطلب الشي منه يطلع مليون عذر يقول بكرا ولا بعدين ولا لأ او عندى شغل لكن لمن امه ولا اخواته يطلبونه الشي على طول زي السواق حتى كلمه لأ ما يقول حسسنى انهم احسن منى عنده والله احيانا ابكى بسبب ذا الشي واخته من النوع الي يكيد وربي حتى صرت اكره ازورهم وحتى هو صؤت احس انه معد يهمنى اهله عنده مقدسين وحتى لمن ابغا شي ما يسمع لي ولا يجيبه لي الا لو كلمته امى او امه ما يقول لو الملك بكبره عنده مدرى ليش هوا كذا يسوى يمكن عشان صغر سنى بالنسبه له لكن انا شخصيتى مو ضعيفه وحتى قلت يمكن ما يبانى بس هوا الي مختارنى ومصر على انه ياخذنى والمشكله انه يقولي احبك ومن ذا الكلام بس الحق ينقال هوا عمره ما مد يده او قال الفاظ وسخه يعنى محترم يس انا ابغا طريقه تخليه يسمع كلامى انا مو كلام اهله اكون انا عنده ف الاولويه معليش طولت بس الله يخليكم ابغا حل ....

[ام حره]

شوفي اختي في بعض الرجال عنده كلام خواته وامه اوامر واذا قالت له زوجته شي يفكر نفسه ان سواق عندها
انتي حاولي انك تقولين له في كلشي ان شاءالله وبعدها بفتره طلبي منه اذا قالك لا ولاطنش شوفي يوم يكون في هادي ومافي اي شي وقولي له حبيبي انا احاول اني اسوي لك كلشي وما اقصر عليك بشي وسردي له كلام لين توصلين لين الي تبين بس انتبهي تجيبي طاري امه وخواته

[مرهفة الإحساس]

حبيبتي واضح ان اهله كلمتهم قوية ومسيطرين شوي عليه بس هو شكله يحبك ويحترمك انتي اهم شي حافظي على هذا الشئ فيه وحاولي تكلميه بهدوء وتقوليله انا ما احب اكتر عليك في الطلبات بس لمن اطلب طلب بكون بدي اياه يتنفز وكلميه بطريقة هادية ان شاء الله يتقبل ويصحصح لنفسه في هذا الموضوع

[şρôίŁ.мê]

اولاُ الله يخليكم لبعض وعسى هالحب يدوم و يزيد...
في كثير رجال كذآ .. مو بس زوجك عزيزتي ..
اذا انتي تبغين شي تقدرين تطلبينه بدلع وغنج بما انك صغيره بالعمر بالنسبه له وقولي له انك زوجي ومالي غيرك اطلب منه بعد ربي ..
وانت المكلوف فيني ومن مين اطلب :"( .. من هالحكي
واذا رفض ازعلي ولا تحاكينه .. واذا جا فتح موضوع معك قولي له انا زوجتك وحبيبتك وام عيالك بصير
ومو معقوله كل شي اطلبه يجيني الرد برفض :(
والله يسسهل

[ام المسك]

انشالله اجرب واشوف وش يصير

[ارجوحه فرح]

هلآ حبيبتي .. اللي ما فيه خير لأهله ما فيه خير لكِ ..

المفروض تنبسطين أن زوجكِ بآر بأمه و قايم بواجب خواته

بس يمكن لمن أنتي تطلبي منه شئ ما يكون الوقت مناسب بالنسبه

له .. عشان كذا ما يلبي طلباتكِ بالسرعه المطلوبه ..

و أنتي كمآن لو حبيتي تطلبي أي حاجه أختاري الوقت و الاسلوب المناسب

للطلب ..

و أتمنى لكِ حيآه زوجيه سعيده

[روز بااريس]

للاسف كثير رجال كذا

بس مو شرط ترى يحبهم اكثر منك لا بالعكس يمكن تنفيذه لاوامرهم لان توكم متزوجين وعشان مايقولون غيرته وكذا
معليش بس اكثرهم تفكيره كذا لا هو حب ولا بر

انتي لا تتضايقين بس خليك وراه ولاتتنازلين عن حقوقك وبيتغير ان شاء الله

[المهـ ـرة]

شوفي قلبي
بقولك طريقة حلووه فكري فيها زين
لاتهتمي للامر ولاتحسسيه انك متضايقة
بالعكس ودعيه الى الباب وهو رايح لهم
اياك تخليه يحس ان الامر هذا مضايقك أو منزعجه منه
ع العكس انت الليّ تقولين له يلا نروح لاهلك
توددي اليه راح يودّك اكثر
حاولي تكسبي زوجك بالكلمة الطيبة والسلوك الحلو
ترى الرجال بكلمة تملكينه اذا صرتي ذكيه
وانت ان شا ءالله كذلك
همسة صغيرونه
ان شا ءالله تكتب كذا لانه لايجوز كتابتها انشاء الله لان هنالك فرق بين الانشاء
والمشيئة

تقديري واحترامي

[ام المسك]

تسلمون حبايبي على الردود

[صيته]

حبيبتي ممكن اعرف كم لكم متزوجين ؟