السلام عليكم ورحمة الله وبركاته. اولا احب اعرف عن نفسي لان اول مرة اسجل بمنتدى انا اسمي مروة عمري ٢٩ من العراق محامية. راح يصيرلي سنة من متزوجة.. صار فترة متابعة المنتدى بس بدون تسجل دخول واليوم سجلت 
ان شاء الله اكون خفيفة الظل عليكم.. اولا راح احكيلكم كيف بديت اراجع دكتورة للحمل.. انا عندي دوام متعب وزوجي كذلك وما مفكرة بالحمل اقول بعد وقت واذا الله راد احمل بدون مراجعات لكن كلام الاهل واهل زوجي والناس تعبوني كثير كل يوم ماحملتي ماحملتي تعبووووني والله اقول الله يساعد اللي ماجابت ولاد من كلام الناس والله احسه رصاصة. المهم قبل نهاية ال٢٠١٨ رحت لدكتورة قالت عندك تكيس وكانت دورتي مو منتظمة من انا وبنت وعطتني علاج وتحاليل وبقيت شهرين وفحصت قالت كلشي تمام ومستجيبة للعلاج ماعندك اي مشكلة حتى تحملي اخذت ابرة تفجير٥٠٠٠ والتزمت ب اوقات الجماع بس ماحسيت ب اييي شي ولا شي ونسيت اخذ الدوفاستون ونزلت الدورة قبل موعدها ورحت ثاني يوم الدورة سويت تحاليل وبديت من ثاني يوم كلوميد خمس ايام ورحت مرة ثانية عطتني ابرة تفجير١٠٠٠٠ يوم 23/1وصار جماع بس هالمرة حسيت ب كثير اشياء وجع ظهر والم في الادرار اكرمكم الله وتعب وخمول ونعاس وحب بالوجه وشهية مفتوحة ونخز ب اسفل البطن بين فترة وفترة بس اول نخزة كانت قوي وجعها جدا وافرازات مثل الماء لونه ابيض ومرات سخونة واخذت الدوفاستون عشر ايام كل يوم حبتين وكان اخر يوم للدوفاستون يوم الاثنين اللي فات وموعد دورتي الفاتت يوم 11/1 وكل شوي يصير عندي وجع اسفل البطن ووجع ظهري مستمر وادراد متكرر.. شو بتنصحوني اخواتي انا خواتي بعيدات عني وامي كمان واخجل استفسر من صديقاتي وحبيت اشوف رايكم وشو بتقولو خصوصا اللي ماخذين ابر تفجير وايضا اهم شي اريد دعواتكم واسفة ع الإطالة
02-07-2019, 10:40 AM
استفسار حول ابرة التفجير
Marwa Lawyer 
جديد منتدى منتدى علاج العقم و تأخر الحمل
العرض الشجري
