سمعوني زغروطه اخيرآ حضنت حور

[~قموووره~]

يوم الخميس تاريخ 2 جماد ثاني دخلت التاسع 3 ايام يعني بدري عالولاده لاني بكريه ليلة الخميس اخذت ملعقه عسل بعد مااستشرت اختي قالتلي عادي تاخذينه لانك بكريه بتطولين وممكن تدخلي العاشر وانا كنت ابغى اولد بسرعه كنت كل يوم آخذ اخويا الصغير وامشي معاه مشيه عسكريه خخخخ يعني بخطوات متباعده مسكين
كرهني لدرجه يقول يارب تولدي وافتك من مشاويرك <<<ههههه الظاهر دعوته مستجابه
ولما اخرج اي مكان كانوا كلهم ينزلوا ويطلعوا بالمصعد الا انا انزل واطلع بالدرج مستعجله عالولاده ... المهم يوم الخميس فطرت 7 تمرات مع شراب زنجبيل بالعسل
وسويت الغذا وكل شي كان تمام بعدها بنص ساعه ينزل مني دم خفيف كنت اقول طبيعي مافيني شي وكل شويه يزيد قمت ادور بالمنتدى ممكن علامة ولاده دقيت للدكتوره قالت الظاهر بتولدي بدري تعالي اتأكد وكنت خايفه قلت ماابغى اروح وامي واخواتي يحاولوا معايا وانا بعد الحماس عالولاده تراجعت ماابغى اولد لما جاء الجد خفت هههههه
وكل شويه يجيني الم خفيف ويروح كل ربع ساعه واخواتي يقولولي شكلك بتولدي بالبيت واذا ولدتي كلنا بنروح ونخليكي تولدي لحالك المهم بالنهايه اقتنعت ورحت انا واختي للدكتوره شافت بطني قالت بطنك فوق يعني بدري عليكي الولاده وكشفت عليا تقول مفتوح 3 سانتي وبعدين لغرفة الولاده سدحوني من الساعه 3 الفجر وكنت طفشانه ماصدقت دخلوا اختي كنا نتونس ونضحك بصوت عالي جات الممرضه معصبه طردت اختي ورجعت طفشانه وادعي يعدي الوقت بسرعه شويه تجي الممرضه تقولي امشي بالممرات عشان الجنين فوووق يعني بتتأخري والممرضات يشوفوا بطني ويضحكوا لانه فوق المهم عصبت وقمت امشي بأقوى ماعندي خخخخ
ممكن ساعه امشي شويه اشوف بطني بالمرايا اشوفه نزل والحمدلله وكشفت عليا الممرضه تقولي الجنين نزل والساعه 9 فتح عندي 8 ونص والممرضه اعطتني اكسجين وتقولي اشفطي بقوووه وانا اشفط بدلع هههه رايقه
المهم لما جاءت الدكتوره قلت جاء الفرج وماشاءالله عليها عسوله كانت تعطيني ادعيه وتقولي رددي معايا وشغلت من جوالها سورة يس وحطته عند راسي ومن اول تحاول تخفف عني ربي يسعدها لما جاء وقت الولاده الساعه 10 اشوف 4 ممرضات والدكتوره وتقولي كل ماتحسي الم ادفعي وانا اطالع فيها كسلااااانه مافيني ادفع وتقولي يله ادفعي وانا ادفع واحاول مااصرخ عشان لايكون كل ولاداتي بصراخ المهم كم مره وانا احاول لما تعبت ابغى انااام والدكتوره تقولي يله والممرضات كلهم يصرخون يقولولي يله وحماس حسيت اني بمباره اقول لنفسي لا الحين اريح والمره الجايه ادفع خخخخخ لما 10 ونص شرفت حبيبتي حور بــ 3/6/1432 هـ
والحمدلله بعد ماروشوها خلوني ابوسها ياحبي لها
آلآم الولاده كان مو لهدرجه الي سمعتها نفس آآلآم الدوره يعني محتمله كان الشي الوحيد اللي متعبني اني مانمت تمام كنت مرهقه وكان المفروض انااااااام ومااروح من بدري للمستشفى بس الي خلاني اروح لما شفت الدم خفت عالنونو والحمدلله
وسوري عالآطاله
وعقبال كل الحوامل الله يسهلكم حملكم وولاداتكم ياارب ...