المشي المشي يابنات .. قصة ولآدتي

[نقآء]

السلام عليكم ورحمة الله وبركاته

ازيكم ياكروشات .. يارب يفكها عليكم يااااارب

ومبرووووووك لكل اللي ولدوا


انا ولدت يمكن من شهر بس النهارده حبيت احكيلكم قصة ولادتي

شوفوا انا من 28 يوم تقريبا كان اخر يوم لي بالتاسع

وماكان جاني وجع ولا نزل عليا اي حاجه خالص

فقولت أروح المستشفى أكشف وأطمن وأشوف حالي عشان أبقى مطمنه

ومشيت الصبح أنا وماما بس اتمشيت مسافه كبييييييييييييييره وعلى ماروحت المستشفى كانت الساعه 10 صباحاً

المهم كل شويه دكتوره تكشف علي وبعد 3 فحوصات نزل عليا دم وعلى الساعه 11 ص كان الرحم مفتوح 4 سم

المهم اتصلت بقى بزوجي وقلت له هاتي شنطة الولاده وتعال عشان انا خلاص هولد النهارده ان شاء الله
وقعدت بقى من الظهر لحد المغرب وانا اتمشى انا وزوجي في المستشفى وأشرب عصاير وكل شويه يفحصوني ويقولوا لسه شويه

المهم بقى على المغرب كده الرحم فتح 6 سم ونص وأنا لسه مافيش وجع غير بسييييييييييييط راحوا علقوا لي محلول روحت نمت

والدكتوره جت وقالت لااااا ازاي تنام

واخدتني ونزلتني تحت واعطوني بالمحلول ابره ..<< اللي هي بقى الطلق الصناعي

الكلام دا كان الساعه 9 مساءً
واشتغل الطلق الصناعي واشتغلت معاه معاناتي وتعبي والموووووووووت اللي مافيش زيه والحمد لله
المهم وكل شويه ييجي حد يفحصني <<< عذاب الفحص دا والله
والدكتوره قالت لي هتولدي الساعه 1 ان شاء الله

وقعدت بقى من 9 م وانا في تعب وصراخ شويه واقول يارب شويه ومافيش حتى راحه دقيقه ماكنش في اي راحه بين الطلقه والتانيه

واول ماالساعه جت 12 ص بالظبط روحت صرخت وقلت يادكتوووووره عاوزه اروح الحمام ( وأنتم بكرامه )

راحت جت بسرعه وفحصتني وقالت غرفة الولاده بسرعه واخذوني ع الكرسي المتحرك وقالت لي اوعي تطلقي دلوقتي لحسن البيبي يقع منك ع الارض

وروحت غرفة الولاده وكانت بنوتي لاصقه في بطني ودار صراع بيني وبينها لحد مانزلت

والدكتوره خلت واحده نامت على بطني من فوق عشان تساعدني والبيبي تنزل

ونزلت نووووووور عيوني ونورت علي دنيتي
ربنا يخليها ليا ولا يحرمني منها ولا من ابوها يااااااااارب

وبس يابنات

انا حبيت أحكي لكم قصة ولادتي عشان اقولكم على حاجه واحده

شوفوا انا كان الرحم مفتوح وماكنش فيا وجع نهااااااائي ودا كله كان من المشي اللي انا بمشيه

فأنصحكم انصحكم بالمشي وربنا ييسرها لكم يااااااااااااارب

يلا سلام بقى عشان ورايا غسيل