الحمد لله ولدت وجبت احلى بنوت بالدني

[بنت لبنان]

دايما كنت اقرا قصص ولادات العضوات بالمنتدى وبحياتي ما تخيلت يجي نهار واكتب قصتي
الحمد لله ولدت نهار الاربعاء 26/12/2012 وكان يوم من العمر
كان نهار عادي وانا ما ببالي انو ممكن ولد بهل نهار لانو ما في اي عوارض غير وجع ظهر مستمر من قبل يومين من الولاده
كانت الساعة 6 المسا وكان زوجي نايم وانا كنت عم بتفرج على التلفزيون مع حماتي واجا سلفي(اخو زوجي)من العمل وسالني حاسه بشي وانا والله بوقتها ما كنت حاسه بشي بس لما سالني حسيت فجاه بمغص خفيف ببطني وقلتلو قام مرت عمي قالت يمكن غازات وانا قلتلها ايه يمكن واكلنا وقتها وعادي انا اخذه المغص انو غازات
بعد ساعه ونص كان المغص مستمر بس ما في وجع يعني عادي عملت قهوه وصحيت زوجي وقلتلو ش عم يصير معي قلي راقبي حالك وصحي وشربنا قهوه ورجعت رحت على الحمام شفت افرازات لونها بني بصراحه خفت وصرت شك بالموضوع انو يمكن ولاده بس رجعت قلت ما معقول اكيد غازات
كان عنا اجتماع بالبيت عشان العمل وكنت انا وزوجي وسلفي وشبين تانيين وانا كنت عم حس بالمغص عم يزيد بس كتير كان محمول قلت لزوجي يحسبلي كان المغص كل 20 دقيقه بعدين صار كل 10 دقايق وكل ما تجي الطلقه قوم امشي بالبيت كان طلق كتير بارد ووجع محمووول كتييييررررر وكنت عم بضحك وامزح وعادي ما كان فيني شي
المهم بقينا على هل حال للساعه 1 صار يزيد شوي الوجع
اتصلت بماما اجت هي واخي وبعدين اجا اخي التاني ولما صارت الساعه 2:30 صارت الطلقه كل دقيقتين قلنا خلص على المستشفى وكان في وجع بس بعدو محمول وصلنا على الساعه 2:45 دخلنا طوارئ شافتنا نرس وقالتلي يلا تعي وانا ما كنت قادره امشي كان الوجع زاد بس مشيت شوي شوي وصلت وبسرعه عملولي فحص نسائي كان فاتح 4 سم كنت كتير مبسوطه بعد نص ساعه صار 6سم ولما صار 8 طقولي مية الراس وصار فاتح 10 سم وهنا بداء الاكشن والجنون صار الدكتور يقلي شو اعمل وانا كنت ميته وجع ما كنت عم شد ابدا وهو صار هيك وانا قلو خلص ما بدي ولد رجعوني على البيت وهو يقلي اذا بتبقي هيك بتركك وبفل وانا قلو خلص فل ما بدي انت تولدني انا بولد لحالي وصرت امسكلو ايدو وشد عليها وهو يقلي رح تنكسر ايدي خلص هدي حالك وشدي البنت بلشت تتعب وانا لما سمعت هيك جنيت وصرت شد مزبوط وبس خرج الراس صار كلو سهل وخرجت حبيبت قلبي على الدنيا الساعه 4:20 بس ما بكيت اخدوها دغري على غير غرفه وانا متت من الخوف وبعد 5 دقايق جابوها وكانت عم تصرخ مش بس عم تبكي هههههه حبيبت قلبي وكانت بخير الحمد لله وبعدين عطيوني ياها عشان رضعها وكان احساس اكتر من رائع
الله ما يحرم حدا من هل احساس والحمد لله انو الله تممها على خير والى اللقاء في الولاده القادمه ان شاء الله