متبخليش علية بمعلومة لانى بجد محتاجلها

[سومااا]

السلام عليكم ورحمه الله وبركاته
انا عضوة هنا جديدة ومصرية
هل من ترحيب؟؟؟؟؟؟؟

عشان مش اطول عليكم

انا الان الحمد لله بفضل ربنا ورضاه علية ورضا حماتى قبل مماتها رزقنى الله بالحمل للمرة الثالثة

وفى المرتين السابقتين محصلش نصيب

وتعبت اوى واتبهدلت اوى وغلبانة اوى

وكمان زوجى مش عايش معايا

وسبحان الله حصل الحمل فى فترة موت حماتى لنزولة المفاجئ

ويمكن عشان انا غسلتها ودعيت ادامها ربنا رضاني بالحمل دة

انا بقة المرة دى ولا عايزة اروح لدكاترة ولا عايزة احسب اانا فى الاسبوع الكام ولا شئ

كل اللى عملتة حللت بول ودم وطلع حمل وعملت التحليل الرقمى وطلع 254 والدكتورة قالت لماما كدة هى فى نص الاسبوع االتاني

وحتى مفكرتش احلل تانى اشوف النسبة علت ولا لاو وكبرت دماغى وقلت انا ونصيبى

اخر بريوت كانت 13/12

انا بقة النهردة وانا فى الشغل حسيت بألم شديد فى ضهرى ومغص زى البريوت رحت الحمام لقيت افرزات بيضة ديمت بتنزلى فى حملي

كل شوية احس بشئ هينزل هل دة عادى؟؟

انا اللي قلقانة منه هو الم ضهرى منمتش منه

وكمان حسيت بشدد فى الحوض وشد عند المبيضين

انا على قد منا قلقانة على اد منا بقول لنفسى انتى اتعودتى على الصدمات فمتفرحيش ولا تعيشي الوهم

عشان كدة مش عايزة اروح لاى دكتور واتصدم

انا خدت دوفاستون وحمض فوليك

اه نسيت

الصبح حسيت بغممان شوية وكتير بحس بدوخة

فطلبي ليكو ولا يكتر عليكو ان شاء الله

اللى انا فية دى اعراض حمل

ولا خطر

ولا وهم انا عايشة فيه

اصل فى الحملين اللى فاتو كان مختلفة الاعراض

انا بجد قلقانة وخايفة تنكسر فرحتي

ياريت اللى عندها اى معلومة تهدئ بها من روعي

يبقى جزاها الله كل خير


يارب بدعيلك بدموعى واقسمت عليك بعزتك وجلالك ما تتضيع فرحتى المرة دى يارب