تجربتي مع علاج المنشطات ابتداء من ثالث يوم الدورة الشهرية

[ام_صالح]

تجربتي مع علاج المنشطات ابتداء من ثالث يوم الدورة الشهرية
تجربتي مع علاج المنشطات ابتداء من ثالث يوم الدورة الشهرية





شلونكم يا امهات .. كل عام وانتو بخير ( ادري انها متاخره) وان شاءالله يااارب ما يصير عيد الاضحي والا احنا حوامل .
ان شاءالله موعدي مع الدكتوره الاثنين اليوم اول يوم دوره .. وراح يكون ثالث الدوره وراح ابدي رحله العلاج المنشطات اولا طبعا.
اذكركم بان انا مسويتها ثلاث مرات من سنين والله ما قسم ( الحمدالله كانت خيره لي وقتها اني ما انجحت)
الحين ادري اصعب لاني اكبر بس ثقتي بالله كبيره وحبي لزوجي وراح يكون ابو عيالي اهو الدافع اللي راح يخليني اركز واسوي كل اللي علي عشان تنجح ..

راح اكون معاكم بتجربتي خطوه بخطوه وشنو قاعده اسوي ..والله المستعان .. بدعواتكم لي وتجشيعكم ونصايحكم راح تنجح التجربه وكلنا نستفيد ..

يالله شنو نصايحكم لي من البدايه .. اسمع منكم يا امهات المستقبل :)

لا إله إلا أنت سبحانك إني كنت من الظالمين.