اقفزو هنا حلو مشكلتي تكفون </3

[شرهه وعتب]

السلام عليكم و رحمة الله و بركاته

اول شي كل عام وانتم بخير
والشهر علينا وعليكم مبروك ...
بدخل بموضوعي بدون مقدمات ))
مشكلتي مع الدوره الشهريه :/
انا بنت موب متزوجه .. وعمري 27
قبل سنه جتني ظروف صعبه حالة وفاه
( ربي يرحمه برحمته ويسكنه الجنه ويرحم امواتنا واموات المسلمين اللهم امين )
وتعبت نفسيا لحد الارهاق الشديد
يعني حزن حاد اثر على نفسيتي
من بعدها لاحظت ان الدوره بدت تتلخبط
شهر .. شهرين .. 4 اشهر😐
رحت لدكتوره وقالت عندك تكيس مدري ع المبيض او كيس ما اتذكر والله بسبب الحزن الحاد والتوتر والقلق تعرفون النفسيه لها دور كبير بالجسم .. المهم قالت ان التكيس حجمه صغير جدا
وعالجته ...... وجتني الدوره واستمرت معي كم شهر و رجعت انقطعت .. و رحت عالجته للمره الثانيه و صارت الدوره تجيني شهريا وتطول معي يعني تقعد من اسبوع لعشره ايام وقبل ماتجي الدوره .. تجيني افرازات بنيه تقريبا من 4 ايام لـ 5 .. بعدين عاد تجي الدوره بشكل يومي لين عشره ايام .. والمغص مو زي قبل صح خفيف لكن مرهق ويزعجني والجنب الايمن فقط .. اظن انه المبيض الايمن هو اللي يمغصني وبكذا اعرف ان وقتها قرب الزبده ياطويلات العمر .. ان الدوره مدري شلون صارت كلها بالافرازات مدتها اسبوعين والمغص يجي اول يوم بس خفيف مو زي قبل .. من بعد ماعالجت التكيس الثاني والدوره الشهريه تجيني شهريا بس بنفس الحوسه افرازات ومغص ع اليمين من قدام اسفل البطن وتقعد عشره ايام ثم تختفي ونفس هالموال لمدة سنه .. الحين اخاف اروح افحص ويقولون لي تكيس واقعد اعالج فيه وتخبط مثل قبل ولقيت بنات كثثثير مثلي .. الللي ابيه( ترجع الدوره 5 ايام زي قبل شلون اخليها 5 ايام وسؤالي وشهو هالحاله.. تظنون عندي تكيس ؟؟ وماديا انا مطفره ماش ماعندي ادفع حق الفحوصات والتحاليل .. ولا تقولون روحي لحكومي... الحكومي مراجعاته لحالها مثل دورتي الحين حوسه 😂
واليوم التاريخ : 8/9/1436 عشان اللي يقرون الموضوع يعرفون متى وقت كتابة الموضوع الزبده اليوم جتني الافرازات البنيه والمغص جاني
امس واليوم ... وانا سمعت ان الافرازات تعتبر من الدوره وافطرت ماصمت على هالاساس وانا مااااااااااااااابي افطر اسبوعين تكفون هذا اللي مجنني انها تقعد اسبوعين وابتلش :/
ودعواتكم لي ياحبيبات قلبي بهالشهر
اني اتعافى واتزوج ):
وانا بدعي لكم الدعوه اللي تبونها ع الفطور باذن الله .. بس كل وحده تكتب لي وجهة نظرها في مشكلتي وتطمني لان لي سنه مافحصت اكررره المستشفيات كره ابليس ..