حبيت افضفض لكم

[اخت العرب]

مساء الخير اخواتي
هذه المشاركة فضفضة لاني احس اني تعبااااااان جدا ماقدر افضفض لاحد من اهلي او أصدقائي حتى ماكسر خاطرهم علي او لاني متوقع منهم ارد (انتي انسانه مؤمنه ولازم تصبري ومو متوقعين انه نسمع هالكلام منك لو من غيرك كان تقبلنا بس احن نعرفك وانتي مب كذا ) بتكوون محاضرة طويلة لان ولا احد منهم يحس باللي احسة به ولأنه مافي احد منهم قط جرب انه ينتظر الدورة وورا دورة يدعي ربه انه تكون حامل ولا احد جرب الابر المنشطة او سوا عملية أطفال انابيب . انا الوحيدة بالعائلة باصدقائي اللي متاخرة عن الحمل عمري 35 واحس الوقت يجري وصار ضيق جدا سويت ثلاث مرات أطفال انابيب بس للأسف مانجحت . صرت اتحسس من الناس وبالأخص من اختي الصغيرة صرت اشوف بعيونها الخوف على حمالها مني ولما ولدت حس خوفها زاد وحتى زوجها نفس شي احسه يخاف مني ومن نفسي وعيني .
كل دورة احس بالاكتئاب. بس هالدورة زاد الاكتئاب معي وهو يمكن بسبب حلم (حلمة كان جهة المبيض الأيمن فيه حركة متكررة وراء بعض ولا كان يوقف كنت احط يدي علية احس بحركة ومسك يد حماتي احطها علية وكانت تحس بالحركة ومسكة يد اختى واحطها على المبيض علشان تشوف الحركة اللي فية وفجاءة سمعة صوت بيقول لي (( ابشري)) هذا هو الحلم ) علشان كذا توقعة اني راح احمل هالشهر بس للأسف نزلة الدورة وزاد الاكتئاب. وخاصة ان زوجي مب مهتم بالخلفة وحتى تحليل مايحلل صارة سنه ماحلل مع العلم ان المشكلة فية وقف علاج من سنتين هو عمرة 45 سنه ولا حتى يفكر بالأطفال او انه يكون اب ولا يجيب لي أي سيرة عنهم. حتى امرة اخوة سوت أطفال انابيب ونجحة ولا تاثر ولا تحمس اخواته كلهم سوو أطفال انابيب وصار عندهم أولاد أعمارهم كملة سنتين والحين حوامل بعد انابيب بعد ما حرك ساكن عااااااااااادي ومطنش. انا قاعدة احترق من داخل وهو ولا همه اشكي علية بالمواقف اللي اتعرض له وهو يتاثر شوي وينسى صرت احسة نفس الطفل او انه مب مستوعب انه صار المفروض يكون جد مب أبو .

حبيت افضفض لكم فقط لا غير