ابي استخدم حبوب وزوجي رافض نهائيا

[سماري ذابحهم]

كيفكم ي حلوين
لي 7 شهور والاده وزوجي رافض اخذ حبوب منع حمل
فكرت اخذ من وراه انا ادري انه م يجوز
بس مو معقول كذا ياخذ الي يبيه وانا اتورط
كان يبي يستخدم الواقي واستخدمه فتره وبطل
والله مو عارفه كيف اتصرف ابي حل معاه

[ниō]

رافض الحبوب مو مشكله يمكن خيره ماتناسبك الحبوب .. رافض اي موانع ثانيه بعد !
ولاتلومينه الرجال مايحبون الواقي ..

[سماري ذابحهم]

طيب وش الحل واقي ومو عاجبه واللولبً م اقدر لأني عمليه
وحبوب م يبي. والجدول مع الرجال مره ما ينفع رسوب ع طول
في مانع ثاني؟ انا هذي الموانع الي اعرفها

[υм вtℓαα]

جربي الكزبره الخضراء يقول الدكتور تمنع الحمل
اما تاكلينها مثل البقدونس او تجففينها وتاخذين ملعقه مطونه بالماء

[سماري ذابحهم]

الله يعطيك العافيه

[jojo 123456]

الله يعينك ياااااااااارب الصرااحة ما في شي يضمن منع الحمل غير الحبوب او اللولب

تجنبي قدر الامكان الجماع فترة الابااضة واتركيها على الله

وحااولي تقنعيه بهدوء

[عشقي طيبة]

خدي من وراه لاتقولو حرام

الحرام انك تجهدي نفسك وكمان عمليه يعني المفروض المفروض انك تتجنبي الحمل على الاقل سنتين

روحي حبيبتي خدي حبوب من وراه او اضربي ابر كل 3 شهور مره

وان كنتي مسويه عملية قيصريه نرا عادي تركبي لولب مايضر

اهم شئ تسالي الدكتوره انو يناسب جسمك

نصيحه نظمي حملك وحياتك والله العظيم محد يفيدك

فيه رجال للاسف همهم يخلفو ولا عندهم اي احساس بالمرأه اللي بتتبهدل

[هدوء أنثي]

طيب حبيبتي فيه مانع وهو العزل يعني وقت ماخلاص بينزل يخرج الحيوانات المنوية براا
انا الحمدلله لي 7سنوات متزوجة واستخدم ذي الطريقة وماشاء الله جايبه نتيجة معاي ولله الحمد

[لحظة شروق]

اختي ذابحهم
شدي موضوعك مره و ما حبيت ادخل بدون رد
لاني انا من اقوى المعارضين للرجال اللي ما يخلو حريمهم ياخذو موانع
و غير كذا انتي ولاده بعمليه يعني في خطووووووره عليك اكثر من اللي ولاده طبيعي
حتى الدكاتره ما ينصحو في ذا الشي معرف المدة بالضبط اللي المفروض تقعدي فيها بدون حمل لكن ممكن
مثل ما قالت الاخت "عشقي طيبه" اقل شي سنتين
و مو معنى كذا اني مؤيده اللي تولد طبيعي عادي ما تاخذ موانع
يلا الوحده بعد السنتين يمكن تلحق تنسى الالم

حبيبتي حاولي تقنعي زوجك و اذا ما اقتنع اسالي شيخ اذا ينفع تاخذي من وراه او لا ...لان ما في وسيله منع حمل دقيقه غير الحبوب
و اللولب يقولو مؤلللم و اسمع في حريم حملو عليه

[يغار الحلى]

لا انتبهي تآخذي ابر ترا كثير اتورطو بعدها .. حبيبتي حاولي معاه بالحبوب

رفض ... عليك بالواقي وقت التبويض .. و كان الله فعونك