الله يرزق كل وحده بالحمل السليم .. ردوا علي

[لوعة الفرقا]

السلام عليكم ورحمة الله وبركاته

بنات انا الشهر الجاي اكمل سنة زواج

الدورة عندي منتظمه تتقدم يوم او تتاخر يوم

كل شهر وانا احلم بالحمل وكل شهر اسوي تحليل قبل الدورة

ماني صغيرة عمري 31 سنه واحلم يجي اليوم اللي اشيل فيه ولدي

المهم تحاليلي انا وزوجي سليمه الحمدلله كان عنده لزوجه خفيفه واخذ فيتامينات وقاله الدكتور انها ماتمنع الانجاب ان شالله

انا تعبت بداية زواجي ورحت لشيخ وقالي عندك تابعه ولازم تقري وتطلعي من البيت اللي انتي فيه لاني كنت تعبانه جدا
والشهر اللي قبله واللي قبله رحت للمرخه ومرختني وقالت كل شي تمام ومافيك شي واعطتني علاجات استخدمتها والشهر اللي راح طفشت طعمهم سيئ وتقريبا كل ساعتين كوب من نوع معين المهم وقفتها
الشهر اللي راح وقفت كل شي لاني بديت انقل من بيتي وانشغلت وصار جماع مرتين بس وقت ايام التبويض

لي اسبوع تقريبا على البرد اللي عندنا الا اني دايم حراااانه بشكل رهيب
ومن يومين انقلبت الايه وصرت بردانه بشكل مو طبيعي
الام الدورة من اسبوع تجيني وتروح مره قوية ومره عادية جدا

امس جاني صدااع رهيب لدرجة اني جلست ابكي ونمت وقلت اكيد بصحى القى الدورة جايه
ولا جات علما انها اليوم تعتبر متاخرة يومين عن موعدها
فيني الام دورة ترووح وتجي في العاده لما تبدا الام الدورة ماتوقف الا لما تنزل علي
لكن حاليا الام بعضها محتمل وبعضها قوي تجيني ساعه وتروح

طبعا طول الفترة اللي راحت شايله فكرت الحمل ونسيته مع النقل لكن من امس ومتملكني بشكل كبيرررر جدا ولاني انقل وخايفه من الشيل الثقيل وكذا رحت سويت تحليل بول لكن للاسف سلبي

يمكن بتقولون لي انتظري وحللي دم لكن انا نزلت الموضوع عشان اعرف من صار لها مثلي وطلعت حامل
وبنفس الوقت حابة تدعون لي بظهر الغيب لان دعوة وحدة منكم يمكن تكون بوقت مستجاب وربي يرزقني


بانتظاركم