سلطة الحلوم

[υм вtℓαα]

المقادير:

الكميه تكفي 6 أشخاص

ممكن اختيار الخضروات على كيفك

3 حبات خيار

3 حبات بندوره صغيره

جزره كبيره

حبة فلفل رومي

حزمة خس صغيره

نصف حبة بصل أبيض متوسط الحجم

ملفوف حسب الرغبه

جبن حلوم حسب الذوق

مقادير التتبيله:

حبة ليمون كبيره

8 أوراق نعناع أو حسب الذوق

زيت زيتون ( لكل شخص ملعقة طعام زيت زيتون)

رشة أورجانو

ملح

ممكن إضافة فلفل أسود مطحون

الطريقه:

بالنسبه للحلوم أفضل اشتري الحلوم من بقالات الشوام أشوفها أفضل من اللي بالسوبرماركت بس أستخدمي اللي يعجبك واللي متوفر

ايضاً أنا من النوع اللي ماحب الملح كثير ، فقبل البدء بتحضير السلطه

اقطع الحلوم لشرحات تقريبا سمكها 1سم

وانقعها بماء فاتر حتى يخف ملحها ( ركزوا مو تحطون مويه مغليه وتجيبون العيد راح تنطبخ )

ثم نبدأ بعمل التتبيله

أفرمي النعناع فرم ناعم للغايه

واعصري الليمونه بعد ماتمسجينها <== ليكون نسيتو

نضيف زيت الزيتون والملح وضعي جميع المكونات في قاروره عصار خاصه باتلتبيلات ورجي القاروره ، ولاتنسين تضيفين التوابل اللي تحبينها شخصياً أحب الاورجانو ، البعض يضيف فلفل اسود يعطي نكهه مميزه لكني أفضل أبتعد عنه

ثم نبدأ مشوار التقطيع طبعاً بعد نقع الخضروات لمدة ثلاث دقائق بماء مملح

نقطع الخيار لقطع كبيره ممكن تستخدمين مقص المطبخ

ثم الفلفل الرومي

الجزر و البصل الابيض و الطماطم

و أخيراً الملفوف و الخس

بعد مانقطع السلطه ونحطهم بجاط نخلط المكونات سوى وانتبهي لاتضيفين التتبيله إلا قبل التقديم مباشره عشان ماتعصر الخضار وتبدأ بالذبول

نبدأ بشوي الحلوم :

للأمانه دائماً اشوي الحلوم بالشوايه الضغط اللي نستخدمها بضغط وشوي السندويتشات ، بس ماأعتقد الكل عنده هالجهاز لذلك راح اشويها بالمقلاه

جيبي مقلى ، ورشي عليها زيت زيتون أو اي زيت نباتي مجرد رش او مسح بالدهون ( أنا أستخدمت زيت معبأ وجاهز للرش قليل السعرات الحراريه low fat)

وسخني المقلاه

وابدأي بوضع الحلوم بعد تصفيته من ماء النقع

أثناء طهي الحلوم حاولي تضغطين عليها شوي بالملعقه عشان تصير رفيعه ومقرمشه وتعصر كل الماء اللي داخلها

أنتبهوا في نوعيات من الحلوم طريه للغايه ممكن تبهذلكم أثناء الشوي او القلي تصير مثل الموزوريلا مطاطيه للغايه

الحلوم بطبيعته شبيه للموزوريلا لكن اكثر قساوه وملوحه تحسينه بعد التسخين يصير مطاطي

مجرد مايصير ذهبي اقلبيه ، اذا حمر من الجهتين ارفعيه من على النار وقطعيه ..

أضيفي التتبيله لللسلطه ثم رشي الحلوم فوق السلطه

يفضل بقدم الحلوم وهو ساخن حتى يحتفظ بليونته إذا برد ماراح يكون بلذته وهو ساخن

وصحه وهناء على قلوبكم