ساعدونى بجد انا مخنوقه اوى

[lajolie dodoo]

مش عارفه ابدا منين بس ومش عارفه اقرر لانى دماغى اتشلت من كتر التفكير
انا متزوجه بقالى بالظبط 6 شهور وانا وزوجى اتخطبنا 4 سنين وكان يوم عن يوم بيثبتلى انو عايزنى وميقدرش يستغنى عنى وحصل بينا مشاكل كتير بين اهلى واهلو ورغم كده اتمسك بيا واتجوزنا دلوقتى انا الحمد لله حامل بس قاعده عند ماما لان الدكتوره قالتلى معملش مجهود وجوزى ده بالنسبالى كل حاجه فى الدنيا لدرجه ان الناس والله بتحسدو عليا
دلوقتى بقى بعد اما اتجوزنا اتغير بطريقه والله متتوصف لدرجه انى بقولو انت مش انت اللى انا حبيته واتمنيت اقضى حياتى كلها معاه وانا كان عندى 17 سنه والله كان بيجيلى عرسان دكتور ومهندس ومحاسب وكلهم محترمين راح جوزى حارب عشان يتجوزنى ويخدنى منهم كلهم وكان بيمثل عليا الحنيه فى الخطوبه واد ايه هو بيخاف عليا وأسرنى بحبه ليا دلوقتى
بقى بخيل اوى فمشاعره وعمره محن عليا رغم انى حامل كل يوم يصحينى بنكد وينيمنى بنكد ومش هامه انى مكتئبه وبقالى 6 شهور ما حولش مره يخرجنى غير لما بنروح للدكتور ورغم كده والله ساكته ومشتكتلوش وبيزعقلى على حاجات هايفه والله العظيم ربنا يعلم انا قد ايه هاديه وبخاف على مشاعره وهو ولا مره حاسسنى بحنيته
واكتشفت كمان انو بيكلم بنات على التليفون وع النت وفى الشغل ورغم كده مبينليش وانا حسيت لان الحاجات دى بتبان وفاكر انو ذكى بس للاسف وكنت ساكته والله انتو مش متخيلين البنات دى شكلها ايه استغفر الله العظيم انا مش قصدى والله اتريق على خلقه ربنا بس هو اللى خلانى اقارن بينى وبينهم ومن اسبوع اتخانق معايا على حاجات هايفه انا بحس انو متلكك والله والموضوع ميستهلش بسبب فلوس زهيده جدا وزعقلى ونكد عليا بس زهقت بقى وقولتلو كل اللى كنت مخبياه واللى فقلبى منو والله العظيم انا كنت بعامله بما يرضى الله ودلوقتى هو عارف انى تعبانه وبقالى اسبوع مكلمنيش ولا هان عليه يطمن علياحتى ولا انا بردو حولت اكلم معاه وانا بجد رغم انو كان كل حاجه فحياتى دلوقتى قلبى قسى من نحيته بطريقه لانى عمرى محسيت معاه بحنيتو من ساعه متجوزنا وانا مش عارفه دلوقتى اعمل ايه وحماتى بتكلمنى ع الوبيل وبابا قالى مترضيش عليها وانا عارفه انها هتتصل تنرفزنى وزعلنى اكتر اصل هى ام ربنا هيحاسبها ومش هقول غير حسبى الله ونعم الوكيل حد يقولى انا اتصرفت كده صح ولالا لانى زمان كنت بصالحه واتحايل عليه رغم انو كان بيقى هو اللى مزعلنى وبردو بصالحه دلوقتى علمنى بقسوته ربنا يسامحه