لأنك حامل

[حمران النواظر]

السلام عليكم هذي اول مشاركه لي في المنتدى انا تزوجت في شهر محرم يعني لي ثمان شهور متزوجه ربي رزقني بالحمل الحمدلله والحين انا في بداية الشهر السادس طبعاً انا مره مستانسه وفرحانه بحملي وصرت اهتم بمواضيع الحمل وتطور الجنين مثل كل حامل وكان زوجي متحمس ومهتم في بداية الحمل بس الحين تغير كل شي ماعاد هو هذاك الشخص اللي كان في البدايه الحين ان لبست شي قصير او تزينت يقول ترا انتي حامل ماله داعي لما اجي اقرب عنده يقول انتي حامل والله يا بنات حتى بالمزح والسوالف وكل شي اقوله الرد عليه يكون بس انتي حامل حتى لما ارسل له في الواتس اتطمن عليه وهو في الدوام يرد علي ( بس انتي حامل ) ولما اقول له احبك يرد علي انتي حامل قبل كنت اضحك واعتبرها مزحه في البداايه بس الحين صرت ازعل وواتضايق حتى نفسيتي تغيرت. صار الحمل عذر للابتعاد مع اني ولله الحمد انا مهتمه في نفسي وشعري وشكلي الخارجي من قبل الزواج وزاد اهتمامي بنفسي اكثر واكثر اثناء الزواج والحمل حاولت اعرف ايش مشكلته مع الحمل لكن للاسف مافي سبب وهالشي يحزني ويعور قلبي ساعدوني بنات وش اسوي كيف اخلي زوجي يرجع لي مثل قبل !!
للعلم زوجي مطلق وعنده بنت من زوجته الاولى ..