الحقوني بسرعه

[سآكون امآ يوما ما]

انا حامل ماشا الله يارب لك الحمد
لكن معاي الم بجنبي جهه المبيض اليمين يجي ويروح مره شديد شوي
ورحت الطواري سوو لي تحليل دم هرموني لقيو الهرمون مره مرتفع 2000
وشكت الدكتوره انه حمل خارج الرحم
وسوت لي سونار ع البطن وماشافت شي وحولتني ع عياده النساء وهناك سوو لي تصوير داخلي وطمنوني انه مافيه شي برا الرحم وقالت لي فيه كيس بس صغير مره داخل الرحم وعطتني موعد الثلاثاء الجاي وانا مره خايفه تكفون طمنوني منو مرت عليها هالحاله انا خايفه ع الجنين وبرضو خايفه من الحمل خارج الرحم وهل هو بدري الكشف على الجنين لان الدوره جتني 7 \7 هجري واخذت الابره التفجيريه يوم 20 من الدوره واليوم يمكن 25 او 26 من الابره هل استعجلت بالتصوير او انه فيني مشكله تكفون وربي وسوست هذا اول حمل من ثلاث سنين ذقت الويل والدق بالكلام من زوجي قبل الناس
يارب عفوك ورحمتك لاتكلني الى نفسي طرفه عين

[ندى الوردة]

لاتخافي حبيبتي مادام عملولك الايكو خلاص اطمني ياااارب يطلعو توأم والألم عادي جدا ممكن الحمل متركز على اليمين مفيش داعي للخوف

[طفلة خذت قلبي]

حبيبتي طبيعي انتي توج حامل حتى يمكن ماصارلج 40 يوم
انا تدرين في حملي سويت تحليل منزلي ولا بين
وبعدها سويت تحليل دم ومابين والسونار بعد مابين
الا بعد الدورة قريب الشهرين وبعدها بين حتى الوحام ماتوحمت الا متأخر يعني بعد شهرين من حملي واستمر معي للرابع

[طفلة خذت قلبي]

والالم طبيعي لان الجنين في بداية تكوينه
انا قبل ما اعرف بحملي صار معي كذا وكنت انتظر الدورة تجيني وماجات
حتى صدري كبر بشكل ملحوظ وانا خفت انا يكون هرموني مرتفع
بس الحمد لله طلع حمل

[um rinad]

الف مبروك لك والله يتممه لك
ويثبته لك ... لا تتوتري ولا تفكري بشي
وكلي امرك لربك والله يحفظه من كل شر
اهتمي بنفسك بس ولا تجهدي حالك

وانتبهي لا تكثري كشف مهبلي
يسبب اجهاض والله اعلم
مو زين للحوامل واجد

[اصدق النيه]

الله يثبت حملك يا اختي وتييبين طفل سليم ومعافي ان شاء الله

[حياتي توأمي]

حبيبتي بما انهم شافوا كيس جداً صغير في الرحم معناه الحمد لله هو هذا الجنين تطمني
بس هم يعطوكي موعد عشان يتأكدوا من الكيس انه كبر
والجنين بداخله
فلااااتخافي حملك سليم ان شاااء الله
والنسبه ماشاء الله مرتفعه بما انه الحمد لله مافي شيء خارج الرحم بيكون بأذن الله حمل توأم ان شااااء الله
وانتي ماخذه ابرة تفجير ومنشطات فلااااتستبعدي الحمل بتوأم والنسبه كبيره حتى شكوا انه حمل بالخارج
بس الحمد لله طالما انه داااخل الرحم فاحتمااال كبير يكونوا توأم

وترى التوأم مايبانوا الحين لأن الكيس صغير
التوأم بالعاده يبانوا في الاسبوع السابع يعني بنصف الشهر الثاني تقريباً

الله يبشرك بالللي يسرك
ولاتنسي تبشريني اذا عرفتي انهم توأم هههههه

موفقه

[روحي عشقت روحك]

حبيبتي اول شي الف ترليون مبرووووك وربي يتمم حملك بخير .
ولاتخافي من نسبة ارتفاع الهرمون مدام عملوا لك الايكو ان شاء الله بيكون توأم ...بس نصيحه من اخت ماتبغى منك غير الدعاء اياك ثم اياك ثم اياك تعملين سونار مهبلي ترى انا عملته في حملي الاول وسبب لي اجهاض بوقته ...ساعه بعد السونار نزل مني نزيف شديد.. الدكتور المتخلف قال لازم نتأكد لايكون حمل بالانبوب وطاوعته وليتني ماطاوعته عمله لي قال الحمل موجود عالمبيض اليمين وجلس يخبص علي المهم طلعت من عنده لغرفة التنويم الا بدا معي طلق شديد الله لايكتبه لك غير بالولاده ياقمر وفجأه نزيف بقوه وبعدها اجهضت....عشان كذا انتبهي لاتعملي المهبلي ابدا.....انا كان سبب التنويم اني كنت استفرغ ومااكل قالوا لازم مغذي عشان يعوضني.وعساها طرحوا حملي ورجعت لبيتي😢😢😢😢😢😢

[ccaady]

ياقلبي انتي تقولي اخذتي الابره التفجيريه قبل ٥ ايام يعني للحين تاثيرها بالدم والمفروض ماتعلي تحليل دم هرموني وانتي اخذه الابره الا بعد مرور ١٥ يوم من الابره عشان يتاكدوا ان الهرمون بالدم مو من تاثيرها

بخصوص الالم طالما ماوضح شي بالسونار في الانانبيب تطمني
بس مثل ماقلت لك احتمال كبير النسبه منت الابره التفجيريه

[دلوعة بالحيل]

مبروك الحمل
ربي يثبت حملك و يهون عليك الوحم
لا تقلقي ولا تخافي
وكلي أمرك لله
و ربي يطمن قلبك
و تجيبي أحلى توينز