باخد حبوب جينيرا وحاسه باعراض الحمل

[ommarem]

بسم الله الرحمن الرحيم

يا بنات عندى بنوتى الصغيرة عمرها سنتين وشهرين ومن وقت الفطام وانا باخد حبوب جينيرا لمنع الحمل والحمد لله منتظمه عليها والدورة منتظمه
بس الشهر دة بعد ما البريود خلصت بيومين نسيت حبه وخدتها تانى يوم وتالت يوم اخرت حبه نسيتها برضه
المهم لخبطت فى بدايه الشريط
الغريب ان بعد البريود لما خلصت بحوالى اسبوع بحس باعراض غريبه
ظهرى هايموتنى من الالم
ومغص زى مغص البريود والم فى المبايض وكل الاعراض دى كنت بحس بيها فى بدايه حملى فى بنتى الصغيرة بس وقتها ما كنتش باخد حبوب وكنت منتظرة الحمل
واوقات بحس ان البريود بتنزل لكن ما فيش اى حاجه
وصدرى وجعنى وافرازات كتير شفافه وبيضاء
الاعراض بتزيد مع المجهود المهم عملت تحليل بول منزلى تقريبا بعد الجماع بحوالى اسبوعين ما ظهرشى حاجه وطلع نيجاتيف ولسه باقى اسبوع على البريود وظهرى لسه وجعنى وصدرى بحس فيه بالم واوقات بحس بمغص البريود وبحس انها بتنزل
مع العلم انى مش باحس باوقات التبويض خالص فى اى شهر يعنى مش اعراض تبويض خصوصا انه مستمر اكتر من اسبوعين
معقول اكون حامل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
رحت اعمل تحليل حمل فى الدم مارضيوش عشان البريود لسه باقى عليها كتير
انا مشتته وتصدقوا رغم انى ما كنتش عايزة اولاد تانى غير بناتى الاتنين بس نفسى يطلع حمل وفى نفس الوقت لو مش حمل الحمد لله كفايه عليا بناتى بس نفسى اطمن وارتاح وخايفه لا قدر الله يكون ورم ليفى ولا حاجه وحشه