بنات أفيدوني الخياطة مؤلمة

[حياتي توأمي]

السلام عليكم

بنات
أنا لي اليوم 10 ايام من ولدت الحمد لله
ولادتي كانت طبيعيه الحمد لله لكنها عسيره شوي
ً طبعاً صار شق للعجان وخياطه وبعد الولادة الدكتورة وهي تخيطني قالت لي عندك بواسير يعني طلعتلي من كثر الدفع اثناء الولادة
وكتبتلي على كريم موضعي يخفف ألم البواسير والحمد لله تحسنت شوي على كريم البواسير
لكن هذي مو مشكلتي
مشكلتي في الخياطه بعد الولادة ماحسيت بآلام إلا من موقع البواسير
لكن الحين بدأ معاي ألم الخياطه
هل هذا شيء طبيعي
مع أني ماحسيت فيها بعد الولادة مباشره بس من يومين وانا معاي هالألم. ألم غير محتمل لدرجة مو قادرة أقعد !

بنات ارجوكم افيدوني هل ممكن يكون ألتهاب او شو بالظبط اول مره أجرب خياطه شق العجان ؟

[Feda]

الوجع يفضل 20 يوم او اقل

[حياتي توأمي]

مشكورة. يا اختي
ربي يهونها علينا

[غلآ نآصر]

حياتي الله يشفيج ..
صحيح الالم يتم 20 يوم بس فيه اشيا تخفف ..
تنقعي بماي و ملح و الماي دافي ...
و عقب كل حمام استخدمي مرهم ميبوو ع مكان الخياطه ..
و فيه تحاميل اسمها فولترين مرتين صبح و مساء لين تخف عليج الالم ..

[مآيشبهونك]

ﻻ انتبهي المويه والملح تفك الخياطه والجرح ماألتأم مالي خبره بس هالشي سمعته كثير واعتقد فيه تحاميل تخخف الألم ربي يسهلك

[سوزان الرياض]

الله يشفيك راجعي دكتورتك هي ابخص بحالتك

[ام مريم ورحمة]

سلامتك حياتي توأمي غسول الماء والملح نصحني فيه استشاري نساء وولادة بعد ولادتي الاولى ومشيت على نصيحته في كل ولاداتي الثانية ومايفك الخيط ولا شي هذي من الافكار الخاطئة اللي عند النساء وله طريقة في التحضير عشان تضمني انه ما يكون شديد على الجرح بتحطي ملعقة اكل ملح يعني وزن عشرة جرام تقريبا لكل لتر ماء مش اكثر وتغسلي بيه بطريقة الشطف الخفيف او الرش لو عنك بخاخة بيكون اسهل كثير عليكي والالم لو شديد وتاعبك روحي للدكتورة يمكن الجرح التهب وتحتاجي مضاد حيوي واذا كان الجرح طيب ومافيه التهاب اطلبي منها تكتب لك مسكن للالم

[أم القمر فيصل]

المشاركة الأصلية كتبت بواسطة غلآ نآصر

حياتي الله يشفيج ..
صحيح الالم يتم 20 يوم بس فيه اشيا تخفف ..
تنقعي بماي و ملح و الماي دافي ...
و عقب كل حمام استخدمي مرهم ميبوو ع مكان الخياطه ..
و فيه تحاميل اسمها فولترين مرتين صبح و مساء لين تخف عليج الالم ..

صحيح كلام الاخت
أنا والدة لى 14 يوم
وكنت ببكى من التهاب وألم الخياطة..وما ارتحت لين طلعت عالمستشفى وصرف لى المسكنات والمضادات الحيوية والدهان
وأنا من الدفع صار معى هبوط للرحم
لاكن الحمد لله يرتفع كل ما أرتحت وابتعدت عن أجهاد جسدى

[ام ميمو وسوسو]

اهلين حياتي حبيبتي الدكتوره ماكتبت لك مسكن ومضاد حيوي وفيتامين ومرهم للجرح هذي اشياء مهمه كثير تاخذيها لين يطيح كل الخيوط وتتعافي تماماً
والخيوط ياقلبي اذا مسويه تجميلي تطيح بدري وتشفي بدري اذا انتي مهتمه بيها يعني اتنقعي بماء دافي واشطفي بيه دايم ابداً لاتستخدمي الماء البارد واستخدمي غسول بيتاديين خففيه بماء دافي واشطفي فيه معقم ومطهر فضيع وغيري الفوط باستمرار يعني كل نص ساعه حتى لو مااتسخت اهم شي تكوني جافه انا استخدمت الطريقه هذي والحمدلله شفت نتايج رايعه وراح يخف عليكي كل شي بتحسي فيه ودعواتك ليه بولاده سهله وميسره

[حياتي توأمي]

شكراً بنات عالردود جزاكم الله ألف خير

ام ميمو وسيمو
حبيبتي ماكتبتلي الدكتورة على اي شيء بعد الولادة قالتلي بس تغسلي بماء دافيء ولاتحطي شيء لاكريم ولا غيره حتى سألتها احط ميبو قالت لا

المشكله أنا كنت اتشطف بماء بارد يمكن هذا سبب الألم

رحت للدكتورة يوم امس وكشفت علي قالت مافي لا التهابات ولا شيء الحممد لله
وقالتلي ضروري تقعدي بماي دافيء راح يخف الألم
وكتبتلي كمان على مضاد حيوي ومسكن
واليوم ابتدى يخف شوي الألم الحمد لله

بس عندي سؤال هل الخياطه بعد الاربعين عند الجماع بتكون مؤلمه ولاكيف ؟