هل الايلاج الكامل شرط للحمل؟؟؟؟

[samar adel 82]

طبعا من العنوان اكيد فهمتوا اقصد ايه .. انا متزوجه من سنه وشهرين ولحد دلوقتى مفيش حمل مع انى عملت اشعه صبغه من شهر وكمان كل فحوصات الحمل بالكامل والتبويض كويس ولما عملت الصبغه الدكتور قال لى ان عندى شويه التهابات وعالجتها وخلاص الحمد لله وكله تمام وكمان زوجى تحليله كويس جدا ,, المهم انا عندى شك فى شىء وهو ان فى كل مرة باكون مع زوجى مش بحس ان العضو بيدخل بالكامل فى المهبل يعنى ممكن السائل يدخل ولكن العضو بيدخل منه الجزء الخارجى فقط وبصعوبه لان المهبل فتحته ضيقه وطبعا ده بيسببلى الم فظيع واخر شىء كان امبارح بالليل حصل جماع وتقريبا صرخت من شده الالم بس حاولت اتحمل لان امبارح كان اول يوم فى التبويض وانا مشتاقه للحمل اوى ,,, فى شىء كمان هل ممكن استخدم جل كى واى اثناء الجماع عشان يسهل شويه ولا ممكن ده يضر بالحيوانات المنويه ؟ ياريت تفيدونى بجد ارجوكم