بلييييز ساعدوني من شبح الطلق الصناعي....

[sweet soul]

السلام عليكم ورحمة الله وبركاته

كيفكم حبوبات انشاء الله بخير ؟؟
بليييييييييييييز يا بنات مالي غير نصايحكم بعد رحمه رب العالمييييين والله ما كتبت الموضوع الا بعد ما طلعت روحي من التعب نفسيا وجسديا ....
انا قصتي يا بنات ........انا حامل في الشهر التاسع وامس كملت 39 اسبوع وهذي ثاني بيبي الحمدلله .....عمر ولدي الاول سنه وشهرين وانا حملت بهذا وكان تقريبا عمر ولدي 6 شهور .........المهم انا في ولدي الاول دشيت في العاشر وفي الاخير ولدت طلق اصطناعي وشفت الموت قدامي من الوجع مع اني اخذت ابره الظهر ........ بتستغربون ابرة الظهر ووجع قصتي بولدي الاول يلي هو ((حمداني ))الله يحفظه .......في الشهر التاسع اول ما كملته يعني اربعين اسبوع دشيت المستشفى وسوولي طلق لانو انزيمات الكبد ارتفعت عندي شوووووي الله يسلمكم مت من الوجع على الفاضي كان في تقلصات فضييييييييييييييعه بس ما فتح الرحم الا واحد سانتي السبب انو راس البيبي ما كان بالحوض يعني مرتفه شوي المهم قالو لي بنطلعج و نعطيج مهله اسبوع بعد بس بنفحصج اذا الانزيمات طبيعيه بتطلعين .....وطلعت بس كل يووووووم اسوي تخطيط للبيبي عشان يشوفون اذا بيتعب والا لا وخلصت الاسبوع ولا فيه اي فايده رحت لهم بس كنت حاطه في بالي بروح واخذ ابرت الظهر على طول قبل الطلق المهم شيكت الدكتوره قالت لي وضعج مثل ماهو عليه اخر مره راس البيبي تحت بس مو في الحوض بس مع الطلق بينزل ويوم قلتلها عن الابره قالت لازم اقل شي يفتح الرحم 3 سانتي على بالي بيفتح الرحم خلال ل ساعه خخخخخخخ عطوني التحميله وقالو لي امشي الساعه 8 الصبح وبديت امشي في ممر المستشفى نزل بعدين ماي رديت الغرفه وخبرت النيرس قالت خلاص قعدي وبركب الجهاز المهم بدا الوجع يقطني اليييييييييييييين الساعه 7 المغرب اخيرا فتح 3 سانتي وبعدين عطوني الابره ارتحت شوي لين فتح الرحم 10 سانتي الساعه 2 بالليل وبعدين وقفوا التخدير وعطوني طلق بالمغذي عشان احس بالوجع وادفع البيبي والحمدلله طلع بعد ما مت من التعب <<<<<هذي قصتي بالبيبي الاول طبعا انا جربت كل شي قرفه حلبه خروع ينسون واخرتها طلق صناعي

والحين مشكلتي في البيبي هذا التقلصات ذابحتني من اول التاسع للحين بس مو فاتح غير 1 سانتي والراس تحت بس مش نازل بالحوووووض والحين موعد ولاتي 16\10 وشكلي باخذ طلق زفت لاني ما خليت شي الا اخذته كف مريم ينسون دارسين خروع زنجبيل اناناس زعفران..... لا تقولون زوجي وكذا تراني جربت والتقلصات من امس منتظمه وذابحني بس الرحم ما فتح غير 1 سانتي بليييييييييييييييز دعواتكم و الله تعبت حييييييييييييييييييييييييييييييييل خبروني اذا عندكم اي تجارب ثانيه <<<<<الغريق يتمسك حتى بقشه

والسموحه اذا طولت بس هذا من حرتي ام حمدان