بنااااات ولدي طاح من السرير ..تكفون ادخلوا ابيكم ضروري

[شيخه نجد]

السلام عليكم ورحمة الله وبركاته
مبارك عليكم الشهر جعله شهر رحمه وخير ومغفره علي وعليكم وعلى جميع المسلمين

اخواتي ولدي طاح من السرير على السيراميك عمرة 10 شهور ..والمشكله ماطاح مني طاح من بنت اختي الله يهديها عطيتها اياه لان ماكان في بيت اهلي الا انا وهي وعطيتها اياه وحرصتها عليه ونزلت سويت له رضعه ماتأخرت الا 4 دقايق ورقيت لقيت ولدي يصيح قلت لها فيه شي قالت لا

وحسيت ولدي متضايق يصيح بس اذا شلته يسكت وقعد تقريبا صاحي نص ساعه ونام بعدها نص ساعه وصحى وقعد في المشايه بس كأنه متضايق ويمسك اذنه اليسارر وجلس صاحي 8 ساعات ونام

ولا دريت عن الطيحه الا بعد 5 ايام كلمتني اختي قالت بنتي تقول ان ولدك حطته على السرير وطاح وخافت تعلمك انااااا انجنيت وديته طوارئ مدينة الملك فهد الطبيه قالوا اذا مااستفرغ ولا فقد الوعي خلاص ماله داعي اشعه

والله مرررره ضايق صدري على ولددي واحس بتأنيب الضمير حتى النوم مانمت من ضيقه الصدر على ولدي..هل الطيحه لها اضرار مستقبليه والله خايفه على ولدي وماعندي غيره ابغى منكم دعوه ان الله يحفظه لي من كل شر جزاكم الله خيرر
واللي عندها خلفيه عن الموضوع او خبره سابقه ياليت تفيدني وتطمني بارك الله فيكم ولها دعوه بظهر الغيب الله يتقبلها