لاتثقوا بـ تحليل الدم / قصتي ..

[H O P E]

مرحبا بنات

في البداية بقولكم ان كلامي يحتمل الصواب والخطأ
لكن اسمعوا قصتي واحكموا ^^

قبل شهرين ونص تأخرت الدورة لمدة اسبوع عندي وكنت حاسة بأعراض وهي .. حموضة شديدة .. الم اسفل الظهر .. شد في البطن .. كان عندي احساس كبير اني حامل وكنت واثقة لارحت احلل بيطلع موجب ..

جبت تحليل منزلي والنتيجة سلبية
انتظرت اسبوع وحللت دم .. والنتيجة سلبية وقالت لي الدكتورة ارجعي بعد اسبوع ونحلل
رجعت وحللت دم وطلع سلبي
قالت خلاص الاكيد انه مافيه حمل .. قلت لها انا حاسه بشي .. قالت لا مافيه حمل قلت طيب اكشفي علي قالت لا مايحتاج تحليل الدم اكيد ومايكذب << الدكتورة كانت في مستشفى خاص

توكلت على الله وانتظرت الدورة تجي .. وجات طبيعية

الشهر اللي بعده اللي هو هالشهر تاخرت الدورة وجاتني بعد كم يوم غزيييرة بشكل فظيع قلت يمكن عشانها تأخرت
وانتظرت مرت 8 ايام وانا على هالحال ماخلصت وبنفس الغزارة
انتظرت يومين وقلت لازم اشوف لها حل قبل مايجيني فقر دم لاسمح الله ولا شي

رحت لدكتورة مشهورة بشهاداتها ودايم زحمة عندها

كشفت علي وسوت تحاليل وكل شي وقالت اللي انتي فيه نزيف ...
وعندك تكيس على المبيض الايسر سببه ..... انك كنتي حامل حمل ضعيف قبل شهرين واسلبتي وصار تجمع دم وتكيس

انا انصدمت كيف ومتى وليش ..

قالت كان حملك ضعيف والحمل الضعيف مايبين الا بالتحليل الهرموني

وهذا اللي سار معي .. انتبهوا انتبهوا انتبهوا مو اي دكتورة تروحون لها وتحليل الدم مو دايم يكون صح

حافظوا على نفسكم ... وربي يحفظكم ويرزقكم

انا الآن في مرحلة علاج التكيس وان شاء الله ربي يكرمني ولايحرمني .... دعواتكم حبيباتي