برأيك...لماذا يتزوج الزوج على زوجته؟؟؟؟؟؟

[غصن ألبان]

بسم الله الرحمن الرحيم
العضوات الغاليات.........السلام عليكم

اريد اليوم نتناقش سوة بأسباب زواج الرجل على زوجتة؟؟
بصراحة سبب طرحي للموضوع حادثة صارت قبل كم يوم بقريبة صديقتي..
هذي السيدة اكتشفت زوجهة متزوج عليهة بالسر من 6 اشهر
وهية(ياغافلين الكم الله). الغريب هية على قدر كبير من الجمال طويلة *بيضة *وجسمهة ماشاء الله.
ومتزوجين صارلهم اكثر من13 سنة وعدهم اطفال ابنهم الكبير بالثانوية.
والعجيبة المرأة المزوجهة مو ذات جمال ومراة كلش عادية مطلقة وعدهة طفل وتعمل ممرضة .
هي لمن عرفت واجهت زوجهة اعتذر وبررلها انها نزوة وهوة متندم وراح يطلقهة.
بصراحة تناقشنة اني وصديقتي هواية بهذة الموضوع واتفقنة على جواب واحد:(اذا الزوج ماكان مرتاح وية زوجتة خصوصآ بالعلاقة الخاصة اكيد يدور غيرهة).
وطرحنة الموضوع على ازواجنة *زوجي كان جوابة:(هذة واحد عينة فارغة).

اما زوج صديقتي علق (الرجل اهم شي عندة تريحة زوجتة بالعلاقة الحميمية واذا ما ريحتة يفكر بزوجة ثانية تريحة).
وهسة حبيت نتناقش بهذة الموضوع وكل عضوة تدخل تنطينة رأيهة ووجهة نظرهة بالموضوع.حتة كلنة ان شاء الله نفيد ونستفيد....
ويارب يحفظلنة ازواجنة ويألف بين قلوبنا
بأنتظار ردودكم حبايب