بععد الكلوميد + تحاليل زوجي !

[قوتشي]

××



السلام عليكم


صبايا قدر الله وماشاء فعل الشهر الي فات أول شهر أستخدم فيه الكلوميد حبه صباحا وحبه مساء مدة خمس أيام لاحظت ع الدوره وقتها إن كميتها زادت وظلت مستمره 5 ايام بعد ما كانت كم شهر قبلها ماتنزل الا بالقطاره يومين ثلاث وتنقطع وانا بالأساس 8 أيام المهم رحت كشفت باليوم الـ 13 من بداية الدوره طلع فيه كم بويضه باليمين والشمال بس أحجامهم 10 ملم يعني ما تكفي أما هرمون الحليب كان مرتفع شوي استخدمت قبل الكلوميد حبوب الدوستنكس مدة شهر بس ماكشفت اذا رجع طبيعي بس ان شالله انه ماعليا خلاف لأن ارتفاعها كان بسييط ما يأثر ,

طبعا من الأساس دورتي مو منتظمه وهي عارض لضعف التبويض عندي بس الي محبطني
ان زوجي عمل تحاليل حيوانات منويه للمره الثانيه طلع كل شي تمام ما عدا عددها قليل
حوالي 13 مليون حيوان منوي مع ان المره الأولى كانت كويسه مره طبعا أول ما وريتها الدكتوره قالت مستحيل تحملين قليلة جدا أقل شي لازم 20 مليون حيوان منوي زوجي الحين يستخدم خلطة لقاح النخل مع العسل والحبة السودا ملعقه صغيره صباحا وانا استخدمها معاه هالشهر تتوقعون نتائجها سريعه ومفيده لصغر البويضات عندي كمان انا ؟ لأن أعرف انها ممتازه لزوجي ان شاءالله ,

سؤالي :

_ الآن انا في اليوم 25 من بداية الدوره هل أرجع أتابع بالسونار ممكن تكبر البويضه
أكثر من أول مره ويصير تبويض متأخر ؟

_ هل ممكن يصير حمل بإرادة الله وزوجي حيواناته المنويه 13 مليون بس من
قد سمعت أحد صار له كذا ؟

_ هل الكلوميد تأثيرها يستمر ؟

قولوا لي أي شي ممكن يفيدني ويريحني ..
أنا خلاص تعبت من كثر التفكير حتى تأثرت حياتي قاطعت كل الناس من قريب ومن بعيد لأجل ما أسمع كلمة تجرحني رغم ان كل الي حولي يقولون حظك تهني لاحقه بدري يعني مححد قد جرحني بس انا شديدة الحذر ما سرت أكلم أحد عشان ما يسألون فيه شي بالطريق حملتي أو لا ؟! كل الي تزوجوا بعدي بسنه وسنتين صاروا عيالهم يراكضون بسم الله عليهم *

مهما حاولت أسلي نفسي لا بد يعكر صفوي هالتفكير =(
أنا ما عاد أبي شي غير طفل يسليني بعدها تبتسم لي الحياه من جديد
وأرجع اجتماعيه زي قبل أهملت نفسي شوي لأني كل شهر أقول يمكن أكون حامل ما راح أصبغ ما راح أسوي ما راح أمارس الرياضات الي كنت أمارسها بالأخير أطلع مش حامل حتى أهلي صرت أستحي أتواصل معاهم من غير ما أزف لهم بشرى إني حامل لأنهم يستنون إشاره مني !

الحمدلله ع كل حال
صبرا جميل والله المستعان
يارحيم ارحمني =(