ياربي اشفيها دعواتكم ياخواتي ..

[ريحة ألعود]

السلام عليكم ورحمة الله وبركاتة

بنات حابة استشيركم بموضوع واتمنى تنورووني بارائكم لانها تهمني هذي قصة بنت خالتي الله يشفيها ويفرحها يارب ...

بدايه مشكلتها يمكن قبل ثلاث سنين كانت اخر سنة لها بالجامعة البنت طيبه واخلاقها زينه وجميله والله ماينقصها شي هيا تاخرت بمسألة الزواج لانها الله يهديها كانت ترفض الخطاب بحجة تكملة الدراسة ماكانت تعرف بالي كاتبة الله لها كان اتزوجت اول خاطب يدق بابها
المهم البنت على المستوى الاخير بالجامعة جاتها نقطه بيضاء صغيرة في ظهر كف يدها طبعا هيا ماعطتها اي اهتمام في بالها جرح وبيروح
مع الايام والشهور توسعت ذي النقطة وجاء غيرها بيدها ورجلها راحت لدكتورة جلدية قاتلها هذا بهاق البنت صوعقت من الخبر تعبت كثير وتعبت نفسيتها لاليلها ليل ولا نهارها نهار والله ماغير قافله على نفسها باب غرفتها وتبكي
خالتي المسكينة تعبت معاها ماخلو مستشفى ماودوها حتى فيه ناس نصحوهم يودونها لشيخ يقرا عليها يمكن الي جاها يكون من عين ودوها يمكن لاربعة شيوخ اثنين منهم قالو عين ولازم تحافظ على اذكار الصباح والمساء وتغتسل بالسدر وتدهن بزيت مقري فية ومن ذا الكلام البنت سوت مثل ماقالولها بس ماستمرت وعلى فكرة والله انا اخر شي شفتها اليوم روحنالهم زيارة الي فيها بسيط بس في كفوف اليد والاكواع وشويه على الاقدام والركب الحمدلله مانتشر بس هيا الين ذحين وهيا محطمة وكارها حياتها والله دايم تحكيني وتبكي تقول انا ذحين بذا الوضع مين بيرضى فيني ويتزوجني والله مقهورة عليها البنت كانت زي الوردة فرفوشة وتحب الضحك ودايم تروح مع خالتي الزواجات وهيا مشالله عليها شياكة انا اقول كله منها ماكانت تواظب على الاذكار ولا تحصن نفسها ودايم كنت انصحها بالمداومه عليها بس هيا مهمله الله يهديها
بالله يابنات ولي يحفظلكم اغلى ماتملكون وش شوركم عليها هل توقعون هذا المرض له علاج ويروح ؟؟ وهل في حالته ممكن تتزوج وتفتح بيت ؟؟ ودي افرحها واطلعها من الهم الي هيا فيه والله كم مرة قلتلها ترا ذا المرض بسيط وانشالله بتلقين له علاج وتشافين وترجعين مثل اول واحسن وانشالله بتلقين ابن الحلال وتتزوجين زي بقيت البنات بس هيا مرررة فاقدة الامل ودايم حزينة حتى صارت ذحين منعزلة عن العالم لاتروح مناسبات ولا تخرج ماغير جالسه بغرفتها ومكتئبة والله انا مقهورة على خالتي تعبت معاها

قولولي ياخواتي ايش نقدر نسوي لها ونطلعها من ذا الجو الكئيب طلبتكم لاتخلوني ابي رايكم ولو بدعوة لها بالشفاءوالفرج يمكن فية منكم من دعوتها مستجابة مع ذي الليلة الكريمة