سؤالين في واحد؟

[احلى ليان]

السلام عليكم ورحمة الله وبركاته..


ما عرفت يا بنات فين احط الموضوع هذا بس هوه مطروح للنقاش ..
سؤالين في واحد؟؟
اول سؤال هوه تنوي تاخدي مين معاكي وقت ولادتك ان شاء الله ؟؟" ربي يقومنا بالسلامة جميعا" وليش؟
تاني سؤال هوه ان شاء الله اول ما تفتحي عيونك من البنج وتشوفي اللي حوالينك وولدتي خلاص ايش اول حاجة حتسويها؟؟

تحبوا اعطيكم خيارات ..
انا عن نفسي " حبوس يدين امي وراسها" وادعي ربي يخليها لي ولا يحرمني منها..

ولا حتتحسسوا كروشكم فين راحت ؟؟
هههههههههههههههه

ولا حتتطلبوا تشوفوا البيبي اللي كنتي شايلته 9 شهور ما تشوفيه غير في سواد وجا الوقت اللي عيونك حتتكحل بشوفته..

ولا حتمسكي زوجك وتخنيقه وتقوليلوا اللحظة هادي كانت من اصعب لحظات حياتك ولا عاااااد تعيدها ..
هههههههههههههه" حلوة لا عاد تعيدها إلا بيعيدها ويعيدها"

ولا تطلبي تشوفي اولادك.. اذا عندك اولاد تانين غير هادا البيبي ؟؟ وتضميهم؟؟

كل وحدة تقلنا ايش حتسوي ؟؟ ان شاء الله..

وقبل كل شي ححمد ربي الف مرة ومرة ومع كل قومة وقعدة على سلامتي وسلامة البيبي..
ولا تنسوا تخرجوا شي لوجه الله تعالى على سلاماتكم يا بنات..


اتمنى ما اكون طولت عليكم..