الولاده المبكره واهات قلبي

[قلب مشتاق]

السلام عليكم ورحمة الله وبركاته


بقولكم قصتي مع الاسلاب

حملت بعد زواجي ب3 اسابيع وكنت اقول ماابي احمل الا بعد 6 شهور من زواجي

وشاءالله وحملت بسرعه ولما حللت وشفت الخطين حق الحمل حسيت بفرحه غريبه وبديت اتعلق

بطفلي ويوم ورا يوم وانا اتخيله شكله واتخيله يلعب حوليني واهتميت بنفسي وبااكلي وبشربي

والايام تمر وانا وزوجي يزيد اشتياقناله لين وصلت لنهاية شهر الرابع

وفي يوم صحيت على الام فضيعه وقويه في ظهري وبطني وكان بعد جماع بيننا اناوزوجي

وقعدت ادور زي المجنونه في بيت اهلي لاني كنت جايه زياره لهم

واختي تقوللي يمكن غازات وامي تقول انسدحي واقري ع بطنك وانا مو قادره اجلس لحضه

بدا الالم معي من الظهر وانتظرت لين صلاة العصر وناديت زوجي واناابكي وقلتله وجلس يقرا ع بطني

كنت اقوله كاانها الام ولاده وابتسم وقاللي وش عرفك باالاام الولاده

رحنا للمستشفى وكشفت علي وقالت كل شي كويس بس اشربي سوائل وخرجت من عندها وانا

مش مقتنعه كنت حاسه ان فيه شي بس ماتوقعت اني اسقط

رجعت للبيت وتعشيت ونمت نومه عميقه وكان خف الالم صحيت وكانت ع الساعه 11 مساء

رحت اخذ شور عشان اقضي الصلوات اللي فاتتني لاني ماقدرت اصليها من الوجع

شوي الا وينزل كيس المويه كان نص جوا ونص برا خفت وارتبكت وجلست انادي ع اخوتي وامي

وانا باالتواليت وقتلهم اللي صار وانفجعو كلهم وجات امي وحست الكيس وشفت بوجهها اني بسقط

جلست ابكي واقول ولدي بيروح مني وجازوجي واخته وحضنتني وبكيت معي الموقف كان ماثر بالحييل

الكل كان يبكي حزن علي وحملني زوجي لاني مقدر امشي والكيس بين رجولي وركبني السياره

ودخلني لنفس الدكتوره اللي كشفت علي وقالت خلاص ولاده ساالها زوجي اذا كان في امل

يعيش الطفل قالت الله اعلم

دخلت للغرفه وزادت الالام بعد ابرة الطلق اه كان يوم صعب علي يجي زوجي لعندي ويمسك ايدي ويصبرني

وعينه تدمع قدامي ع حالي وعلى ولدنا كان يحط ايده على بطني وكان ابني يرافس بقوه وقت الطلق

كانه يقاوم الحياه

ساعتين وولدت طلع ابني وكنت ماسكه ايد زوجي الله يجزاه الجنه

شاف الطفل بعد ماطلع ونظرات خالطها الخيبه والحزن مع الرضا باامرالله وقدره

صورو الطفل واخذته الدكتوره عشان تغسله

اخذه زوجي لاهله واهلي عشان يشوفونه وبعدها اخذه للمغسله غسلوه وكفنوه ودفنوه مع جنازة

رجل

رجعت للبيت وانا احس بشي ناقص فقدت حركته ووجوده

ويوم جا وقت النوم نامو اهلي واخذت انا جوال اختي ابي اشوف صورته لما رايتها كان احد قبض على

قلبي

بكيت بكاء ماقد بكيته بحياتي اه حسيت بحرقه قلب ع فراقه وبنفس الوقت استغفرربي

ماابي اعترض ع حكمه بس غصبن عني غلبني الوجع

ومسحو الصوره اخواتي بعد ماشافو وضعي ومرت الايام وكل ماشفت وجه زوجي تذكرته وبكيت

لانه كان شبه ابوه كثيير كاانه اخذ شكله انااكتبلكم واحس الدمعه بعيني

الحمدلله ع كل حال

اللحين انا حامل بالشهر الثاني والحمدلله

ولااخفيكم اني خايفه اعيش نفس التجربه بس انا متوكله على الله عسى ربي يتمم حملي ع خير

ويفرحني بضناي ويعوضني ع اللي راح ويفرح كل محرووم ويرزقه ياارب


سامحوني طولت عليكم

[لحن الغربه]

الله يعوضك يارب بذريه الصالحه يااااارب

[أسـماء]

ابكيتني يا غاليتي بحرقه ,.
ها هو اذان الفجر اسمعه وادعو لك ان يتم حملك ويقر عينك بجنينك سليم معافي الخلق والخُلق بإذن الله ,.
ويعوضك الله خيرا ان شاء الله

[ام اسكندر]

لا حول ولا قوة الا بالله

ربي يعوضك الحمل الثابت السليم

هاذي المرة خذي حبوب التثبيت وسوي ربط لعنق الرحم

وربي يحفظ حملك

[مجنونة بحبها]

اه قصتك قطعت قلبي يارب يارب يتمم حملك ويرزقك الطفل السليم

كوني حذره هذي المره وابتعدي عن كل الاشياء الي تعمل ولاده مبكره

والاحسن اربطي عنق الرحم وارتاحي

[zena ahmad]

الله يرحمه

ويثبت حملك ويتمم على خير

[روح ماما زيودى]

الله يعوضج يارب ويتمملج على خير والله انى اقرا وابكى وانا اجهضت اربع مرات
وخايفه على جنينى ها انا فى الشهر الاخير يارب لا تحرمنى شوفته وضمته لصدرى ويتمملى ولج ولكل حامل على خير
ويرزق كل منتضره ياارب

[3rosajadeda]

لا حول ولا قوه الا بلله
خلاص لاتفكري بللي فات ، يا ما ناس اجهضو وحملو وجابو بيبيهات سليمين لا تخافي واسباب الاجهاض مو معروفه من الله وسبحان الله اكيد خير
الحمدلل انك حملتي فكري بحملك واتفالي بالخير والله يثبت لك حملك وتجيبي احلا نونو بصحه وسلامه يارب

[huda_l]

يارب يثبت حملك والله اذكرت حالتي لان اني مريت بهيج امور 3 مرات

[البشرى]

الله يتمملك حملك ويخلف عليك بخير