دايم ممنوع للمراء حلال للرجال

[آحسآس آنثى]

صباحكم سعاده
اخبااركم بنات

زوجي دايم يقول لي اذا بغيتي شي مني اطلبيه بدلع ولك عيوني كلهااا
المهم كان نفسي بجوال بلاك بيري المهم طلبته مره بكل احترام قال آسف و سكت عنه
مره ثانيه طلبته بدلع قال لا
ارسلت له مسج وقلت له ابي بلاك بيري يصير تجيبه لي مارد علي
ارسلت ليه ماترد
ارسل لان لو تموتي مافي بلاك
انا هنااا خلااااص انفجرت
اكثر من مره بدلع واحترام و هو يقول لك عيوني ويرفظ
لما جاء من الدوام كنت ابكي قهر قال رجعنا عالمشاكل قلت لا بس نفسي بشي ليه ترفظه قال كيفي ولو بيدي اسحبه من جميع البنات قلت ليه الحرمه لا وانتم كل شي يصير قال انتم حريم العيب فيكم لاكن الرجال مافي شي يعيبه
قهرني قلت له خويتك اللي شلتهااا فندق و نمت معهاااا صرخ علي قال انااا رجال مايعيبني شي قلت ترتكب المحرمات و تقول رجال الله يلعن الرجال اللي كذا عصب ضربني قال انتي قليله حيااا و انتي لسانك طويل واني فقهمه لاني شوي سمينه و كلام ماينقال جرحني بكلامه

انا دايم كنت اقول مستحيل زوجي ينام مع بنت لاكن من كلامه تاكدت تفجرت في الغيره من امس بكي
واللي خلاني اشك فيه دايم يحب ينام معي من الدبر اسمحولي بنااات بس هالشي مضااايقني دايم اذكره بالله وان هالشي حرام يقول ماقدر احبك كذا عرفت بعدهااا انه نام مع بنت غيري
ودايم عنده الحريم ماينفع نتركهم على كيفهم اقوله لو بيدك تذبح الحريم يعني يوم عرف ان اختي معهااا بلاك بيري زعل و كان بيكلم زوجهاااا ان ياخذ البلاك بيري منهااا وانه مو رجال و من هالكلام
والله يبناات مره كان بسوق و شاف وحده بسوق هو يعرفهااا كانت لابسه نقاب تخيلو راح لعمي وقاله قول لزوج فلانه زوجتك بسوق عليهااا نقاب و موظحه عيونها وكانت عيونها حلوه و هالشي حرام
الحمدالله ان زوجهااا ماطلقهااا
ومره راح لاخوه زوجته تكون عمتي ماهي كبيره عني توها بالاربعين قاله زوجتك تطلع مع واحد جلست ابكي اقوله حرام عمتي حافظه لكتاب الله يقول البنت اللي معي بالتحفيظ قلت له خاف ربك عمتي مزوجه بناتهاا لاتظلم حتى ابوي قام تظارب معه و عمي فظح عمتي عند زوجهاااا وهي والله بريئه من كل التهم
هو رجال شافهااا طلعت اخر الليل بسياره مع واحد و قال لزوجي و زوجي ماصدق

انا قلت عمتي لان ماعندهااا اولاد صغااار تكلم اولاد اختهااا او ازواج بناتهااا و تروح تسهر عند يابناتهااا يا اخواتهااا
يعني ظلمهااا زوجي و لما اخو زوجي جاء لزوجي قال بقابل الرجال اللي تكلم على زوجتي و فعلا قابلوه و الكلب انكر كل كلامه و زوجي راح فيهااا
طبعااا كنت خايفه عمتي تتطلق بعد هالعمر بس زوجهاااا قالهااا انا واثق فيك
ويوم سآلني عن الموضوع قلت اخوك واثق بعمتي قاااام يظحك قال آه ياخوي شكلك منت برجااال تتطلق زوجتك
مو بس كذا دايم يهاااوش بالحريم انهم مايستاااهلو اي شي وان غلطتهم تظل معهم مهماا تابو لاكن الرجال لا يسوي كل المحرماااات عادي
اقوله ربي خلقناااا مثل بعض مافرق بينااا قال اسكتي انتم اكثر اهل الناااار
وربي يبناااات من البارح ماكلت شي حاسه اني بموت هم وقهر دعييييييت عليه من كل قلبي
قال لي روحي بيت اهلك وفكيني منك قلت له رجع عمري اللي ظاع معك

وعصب والله يبنات ظربني كف على وجهي
كل هذا العصبيه عشان طلبت بلاك قال اختاري اي جوال الا البلاك قلت ابي جلكسي قال لا قلت مافي يـ بلاك يـ جلكسي
مع ان هو معه جلكسي قلت انا مثلك انت ماتزوجت وحده اقل منك والا عشان حرمتني من الدراسه عبالك جاهله يقول انتي اكبر غبيه بالعالم والغبي احسن منك

زميلاتي اتفقو يطلعو باستراحه ولمل قلت له رفظ قال هذا دلع بنات اقوله زمان ماشفتهم لي اكثر من سنه يقول مو ظروري انسيهم اقول انت ليه تطلع مع اصحابك كل فتره مره جده مره المدينه يقول افهمي انا رجال انتي حرمه مايصير يقول بتروحي لهم بالبيت اقول الاستراحه بس احنا يالبنات البيت اخوانهم موجدين واخواتهم واحنا نبي ناخذ راحتنا
يقول احلمي تروحين معهم
وحتى الزوجات مايخليني الا م امي مره كنت بروح زواج زميلتي رفظ ليييييه يقول اخاف تنخطفين يظحك علي


هو يبيني خاتم باصبعه مالي اي حق وهو يبي كل شي له بس الله مآمر بهالشي
حتى بنتي اللي عمرها 4 سنوات من الحين لو سوت كذا ياويلها فهميها دلع البنات مو عندي
من جد الله يعين بنتي على ابوهااا انسان تفكيره غبي

دايم يقول وين حريم اول اللي زوجهااا مايسمع صوتهاا من الادب و حتى الاكل ماتاكل معه وانتي لسانك اطول منك
بس مشكلتي حبيته ادري هو انسااان مو كفوا ينحب بس قلبي اجبرني
بعض الاحيااان ادعي الله ان ياخذ حبه من قلبي
واقول متى استبشر بموته وبعض الاحيان احن عليه و على عيالي لو صار له شي شنو مصيرهم