اللي سبق وجهزت لنفاس تدخل تساعدني ولها احلى دعوة

[دلوعة عمري]

السلام عليكم ورحمة الله وبركاته

كيفكم حبايبي مشتاقه لكم حيل

خواتي انا الحمدالله حامل ولادتي راح تكون تقريبا على اخر شهر واحد بدايه شهر 2

المهم انا هذا حملي البكر ولااعرف اي شي عن التجهيز دخلت قوقل واخذت بعض المعلومات المهم اللي بسال عنة الميزانيه كم تكفي يعني يعني بكم جهزتو كل شي وبسال بعد عن طقم النفاس وش رايكم فيه يعني انا مفكرة اشتري طقم كامل بس محتارة من وين اشتري دلوني علي مكان انا اروح له انا ساكنة باالرياض والاسعار كيف وبسال انا حاطة في بالي ماراح اشتري سرير للبيبي لانه زحمة وكذا بشتري له السرير الصغير بس من وين ماادري ابيكم
وبسال بعد عن توزيعات المواليد وش رايكم فيها هل لين الحين موجودة والا خلاص راحت موضتها ابي تساعدوني يااحلى خوات لان مااعندي خوات وانا ساكنة باالرياض واهلي في ساكنين في مكان ثاني ابيكم تساعدوني بااللي تقدرون علية


الله يجزاكم الف خير ولكم احلى دعوة

[العاااالي مستواها]

ارحبي يالغااليه

انا بجهز لك قائمة الاشياءالضروريه ياعسل

ولايهمك بس خليني اغدي العياال >خخخخخخ جاين من المدرسه

[دلوعة عمري]

المشاركة الأصلية كتبت بواسطة العاااالي مستواها

ارحبي يالغااليه

انا بجهز لك قائمة الاشياءالضروريه ياعسل

ولايهمك بس خليني اغدي العياال >خخخخخخ جاين من المدرسه

يابعد عمري انتظرك ياقلبي وباالف عافية الغدا

[العاااالي مستواها]

اول شيئ خلي كل شيئ بسيط وعلى قدك يالغااليه

الشيئ المبالغ فيه مو حلو تحسين متكلف فيه وغالي

اول شيئ المفرش خذي مفرش من اسوااق المجد في مخرج 15فيه اشكال والواان اختاري اللي يناسبك وسعرها مرره حلو ويجي معها سرير للبيبي اختاري منها اللي يرضيك وكمان حسب فلوسك0

التوزيعاات خذيها جاهزه مثل الشوكلت والفطائر من اقرب مخبزلك0

المخابزومحلات الحلوياات صارت تسوي لك كل اللي تبينه بس انتي عطيهم الفكره وهوه يسويلك0

اغراضك انتي مع البيبي خلصتيها ولابااقي اذا ناقصك شيئ اكتبي هنا وراح اساعدك ياعسل

[مشاعل الدوسري]

في الرياض المفارش رخيصه بقووووووه
يعني طقم حلو مايتعدى ال 1000 و فيه اقل أنتي خذي القطع اللي تحتاجينها
يعني مفرش و سرير البيبي و طقم البيبي و طقم الام و السرير المتنقل و دولاب البيبي
هذا اهم شي الباقي مو مهم مثل الل يكرمك تلبيسة الزباله تلبيسة المنديل
يعني الاطقم تجيك 20 و 28 قطعه خذي اللي تحتاجينه بس

بلنسبه للتوزيعات
لا تبالغين و أنتي بلمستشفى علبة ماكنتوش وله علبة جواهر أو أي حلويات و صحن معجنات
و بلبيت جيبي كيك و معجنات و ممكن أذا خاطرك بتوزيعات
سوي شي بسيط على قد ميزانيتك لا تضغطين على نفسك و على زوجك
الناس مهما سويتي لها مايمله عينها روحي لمحل الشوكلت و طلبي صحن شوكلت يزينه لك
و يعلق في كل حبة شوكلت مزينه عباره انتي مختارتها
عاد اذا بنت بيسوي لك التغليف كله وردي و أذا ولد ازرق أو أي لون تختارينه
يعني الشوكلت يسون فيه حركات في يحطونه بعلب كل حبة شوكلت بعلبه صغيره
وهيك شغلات و بس
و تجيهزات البيبي والله حالي من حالك
الى الحين ماجهزت ابي اروح لاهلي و اطلع معاهم السوق بروحي مااعرف و مع زوجي مااعرف ...

[ام عدي الهاشمي]

الحقي ياقلبي تخفيضات سنتر بوينت وجهزي للبيبي منه اشيائه تجنن اخذت منه كل اغراض البيبي حتى السرير

[الريم العبدالرحمن]

اف الله يعينن الحريم تشتق والرجااال ماهمهم شي نوم واكل

الله يكون في عوننااااااااااا