ساعدوني بحل مشكله بنتي

[دمها عسل]

السلام عليكم ورحمه الله وبركاته

اخواتي ابي منكم مساعده انا والده لي 21 يوم تقريبا وجبت بنوته الله يحفظها

لكن عندها مشكله اللي هو الاستفراغ تستفرغ بشكل غير طبيعي مثل النافوره من فمها وخشمها

مررره تعبت معاها وديتها لدكتور قال طبيعي وكتبلي حليب بليميل بلس ضد الارتجاع وانا استخدم لها بليميل بلس العادي

بس الحليب اللي كتبه الدكتور مررره ثقيل ومن اعطيتها الحليب وهي تبكي وهو وقف الاستفراغ بس مو عارفه ليه تبكي ياليت اللي جربت الحليب تقول تجربتها ولمتى استمر عليه

وفي ناس يقولو سبب الاستفراغ ان الحليب مو مناسبها طيب كيف اعرف الحليب اللي يناسبها



وكمان ابغا اعطيها فيتامين د لان انا مااقدر اعرضها للشمس هل احطه مع الحليب ولا ماينفع؟؟؟ لان الدكتور قالي حطيه مع المويه وشربيها بس رفضت تشرب المويه؟؟

اسفه عالطاااااله بس ياليت تساعدوني

انتظركم

[أسـماء]

الله يخليلك بنتك ويشفيها من كل مرض يا رب
ما عندي فكره بس حبيت ادعيلك ان شاء الله البنات يفيدوكي حبيبتي
الله يكون بعونك

[دمها عسل]

مشكوره حبيبتي اسماء يسلمووو عالدعوه

[نظرةأمل]

حبيبتي حطي لها فيتامين د مع 50 ملي من شاهي الاطفال ملعقه صغيره

[نانا22]

حبيبتي فتامين د يستخدم لحاله بدون ماء وهو عباره عن نقطه واحده في الفم قبل الرضعه انا الدكتور اعطاني ايه كذا لبنتي وقالي استخدمه لمدة ستت اشهر متواصله واما للاستفراغ اذا كنتي تعرفين العنزروت اطحنيه مع قليل من السكر العادي او النبات واعجنيها بقليل من السمنه البارده وخليها قد حبة العدس وقبل الرضعه حطيها بسقف حلقه واعطيها الرضع على طول هذا علاج امي لعيالنا الرضع اذا كان معهم استفراغ وانشاء الله ماتشوف بنتك شر واتمنى اني الكون افتك بشيء

[دمها عسل]

يسلموو لكل اللي ردو علي

اختي نانا الفيتامين 4نقط مو نقطه واحده كذا قالي الدكتور

طيب طريقه العنزروت استخدمها مره واحده بس ولا كذا مره وهل توقف الاستفراغ عالطول لان تعبت
بعد الرضاعه لازم اخليها مرفوعه عشان ماترجع الرضعه

[فوضت امري لله]

حبيبتي العنزروت لاتكثريه لها حطي براس اصبعك مع قطعه صغيره سكر نبات

بالرضاعه بس لاتكثرين العنزروت ورضعه باليوم بس العنزروت ما ادري اذا يفيد اللي يرجع او لا

يعطى للوقايه من (العفنه--وتسمى (الأخت)لانها تكون مصاحبه للطفل من ولادته ولها اعراض اهمها البراز يكون اخضر ومثل القطع فيه --------------------------------------------------------------


اما الترجيع

لازم تطلع الهواء بعد الرضاعه وهي طريقه التجشؤ---


هذا موضوع نزلته عن التقيؤ

ان شاء الله يفيدك

http://forum.hwaml.com/t112342.html

[أم هبة]

كان عندي نفس المشكل مع بنتي و الحين مع بنتي الثانية ترجع بعد كل رضعة رغم اني أرضعها طبيعي

لكن هذا الشي عادي بس لازم تتجشأ بعد كل رضعة

[دمها عسل]

مشكورين للي ردو علي يعطيكم العافيه

طيب بالنسبه للفيتامين احطه مع الحليب عادي ولا مايعطي نتيجه

لان حاولت بالمويه رفضت واعطيتها لوحده نقطه بفمها ومررره تبكي من طعمه ماتحملته

[أميره الورد]

ولدي كان نفس الحاله يستفرغ من فمه وخشمه وكثييير يعني كل الرضعه
كنت ارضعه طبيعي وارجع اعطيه رضعه وديته المستشفى قال لي الدكتور قللي الكميه
وفعلا قللتها وانتهت هالمشكله يالله لك الحممد