صباح الخير
كيفكم ياقمرات؟؟
اه ياربي امس جابولي الجنان وانواع الحالات النفسيه الصعبه
رحت المستشفى عشان التحليل
توقعت انو سحبه دم وانتهينا
رحت صايمه
اول شئ سوه ليا
سحبو دم
وادوني العصير اللي بكيت في المره الاولى لما شربته >>لو تفتكرو اول
بس شفته في يد السستر كنت ببكي
تخيلو صيام واشرب كمان قرف
قالت لي اشربيه بسرعه عشان بعد ساعه نسوي تحليل كمان
انا انصدددددددددددددددددددددددمت توقعت انو تحليل واحد وامشي
كنت بموت من الجوع
رحت اشرب العصير واتخاصم مع زوجي اقوله انت خليتني احمل انت رجال ولاهمك شئ
انت وانت وانت ومعصصصصصصصصصصصبه
وصلت لنص العصير وانا خلاص حستفرغ بس ارفع راسي واحاول اخذ نفس
لين ما خلصته
جلست الساعه كلها قرف اطعم طعمه في فمي
المهم
جت ساعه وجا دكتور وحلل ليا مررررره يده قوويه عورني بقوه
بس برضه فرحت عشان بطلع
جينا طالعين قال فين لسه كمان تحليل بعد ساعه
قلت خلاص نطلع ونرجع بعد ساعه قال لي بتدوخي انتي عندك فقر دم ومايصير اتعب نفسي وانا ساحبين مني دم
وما خلانا نطلع
نسيت اقول عن الكراسي اللي في المستشفى تعب والله ظهري خلااااااااااااااااااص انتهى
تعب وجوع والم يدي وظهري
الدكتور دخلني لغرفه ثانيه فيها كرسي قال لنا انو اريح
بس لما جلست فيه حسيت اني بجلس على عظام مو على كرسي
يعني مافيه راحه ابدا والغرفه كأنها ثلاجه موتى برررررررررررد
وانا في الغرفه بس ابكي والله حسيت دموعي نشفت من كثر مابكيت
مرت ساعه كأنها سنه
وجا الدكتور وسحب كمان دم >>طبعا الللللللللللللللللللم
المهم قالي كمان فيه تحليل كمان بعد ساعه
انا خلاص والله مخنوقه ببكي
وقلت له لا بروح ربع ساعه وارجع وزوجي شاف حالتي قال للدكتور فيه شغل بسويه وارجع
الدكتور عصب وطنشني وطلعنا
لاني خلاص مقدر اتحمل>>خاصه اني اكررررررررررررررررررررررره شئ اسمه مستشفى عندي عقده نفسيه من اي مستشفى
بس اش اسوي مضطره
طلعنا ربع ساعه بالسياره اخذنا لفتين ورجعنا
واستمر الطفش في المستشفى
والله كل شويه ادوخ واشوف الدنيا سووووووووووووووووواد
اغمض عيني شويه وافتحها وارجع للوعي
طبعا طوال الوقت زوجي يتكللم بالجوال >>شغله كذا كل شويه يجيه تلفون
وانا ملل مو عارفه اش اسوي
المهم مر الوقت اخيرا
وسحبو الدم كمان
صارت عروقي كلها رايحه فيها
اليدين كلها الكف والذراع
المهم سحبو مني اربعه عينات
وخلصت طلعت على الم يدي والجوع الليس انا فيه والدوخه والحاله النفسيه الا اني مبسوطه عشان خلصت >>تعلمو مني دروس في الامل وعدم اليأس
ههههههههههههههههههه
رحنا على طول مطعم اكلت والله كأني اول مره اشوف اكل
هههههههههههههههههههههههه
رجعت البيت على الساعه7ونص مو شايفه طريقي على طول عالسرير
مع اني ابدا ماانام هذا الوقت بس من التعب اللي شفته والدم اللي شفطوه مني
وبس