مساء الورد ياحوامل ومساء الورد للوالدات بعد
واهلا وسهلا بكل الجدد
ليش زعلانين ماتردون على اسئلتنا وكذا
والله انا اللي اعرفه ماابخل فيه لا عليكم ولا على غيركم
وعلى فكره انا جديده بالرياض مالي فتره وكمان مااعرف احد فيها
ههههه والاسواق اللي بستفسر وطلباتي واستفساراتي عامه
انزل مواضيع ومسجله بأكثر من منتدى كله عشان الاقي ناس تفيدني
::
ام الاسمر ..تسئل عليك العافيه ياقمر انا بخير
بنوتي كانت بتولد قبل يومين وبعدين هونت ههههه
جاني طلق ورحت المشفى وقالو اول شي فاتح 3 سانتي وبعدين
4 سانتي وبعده برد كل شي الطلق والرحم وقف على 4 سانتي
والطلق راح
واخذت بالمشفى 3 ايام وطلعت امس الساعه 3 العصر
لانهم جننوني بالكشف ولا فيه زياده بالرحم
وجننتهم يوم كامل ماخليتهم يكشفون لاني مااحس بطلق
ومتاكده انو مافتح قبل لا اطلع خليتهم يكشفون ههههه بس
وفعلا مافيه زياده 4 سانتي قالو خلاص روحي للبيت
وسجلي حركات البيبي واذا صار شي تعالي
قلت خير ان شاء الله توووبه ماعاد اروح بدري
بس انا خوافه من حسيت بالالم طرت للمشفى
هههههه ادعيلي اولد وارتاح والله خلاص ماعاد اتحمل
وزوجي ازعجته بالليل نسي طعم النوم بس كل الالم تتجمع بالليل
يارب يهونها علي وعليكم جميعا:
ام ركووني اهلين ياروحي انا بخير
والثقل لاتسئلين خليها على ربك والله رجولي ذبحتني وحده بزياده والدكتوره
تقول طبيعي تحملي خلاص بتولدين الله يفرجها ويسهل علينا
مساهير الشوق :وينك يابنت من زمان ماشفناك ولا مريتي علينا
صحيح ماادخل كثير بس والله ماتفوتني ولا صفحه لاني يومين ادخل من
الجوال واقراء كل سوالفكم :هههه طمنينا عليك ان شاء بصحه وسلامه .
امجاد ماجد كيفك ياعسل وكيف حملك الله يهون عليك وتقومين بالسلامه
وتفرحين بااحلى بيبي طمنيني عليك ..والله لو ماادخل قلبي معاكم ..
همسه دلع :اهلين وسهلين فيك وهلا بالطله اخير نورتينا
انتي والنونو اللي جننك مارضي يطلع الله ههه عاش من شافك ياعسل
شوق جده ""قارورة عطر ""لوووورا ""والباقي اسماكم ماتحضرني بس
وين الغيبه وعسى المانع خير ..
شعري كيرلي والله ياحياتي ماعندي خلفيه
يوم جاني الطلق يوم الخميس نقص الاكسجين
عند الجنين وقالولي عادي لان رئته ضعيفه ماتتحمل
واعطوني ابر منشطه لرئة الجنين لانو يمكن اولد قريب
وتقول نعطيها للي يولدون ولاده مبكره وطبيعي جدا ولا تخوف
وتقريبا اغلب الاطفال ياخذونها
وكمان اعطوني اكسجين يوم تنومت عشان يرتفع الاكسجين عند البيبي
يعني مافي شي يخوف ان شاء الله
بس بالنسبه لسرعة نبضات القلب والله ماعندي خلفيه ..
دعوووووتك اولد وارتاح ..
وحنين انا اقول روحي شوفي نبض الجنين
والم الظهر عاادي والغثيان طبيعي والنفسيه الزفت عاادي
او المغص مايجي مغص بالاشهر الاولي .ولاعندي خبره بس الافضل
تروحي للمشفى ..لو على حسابك عشان ترتاحي نفسيا
الله يتمم حملك ويفرح قلبك بشوفته ..
لاتنسيني من صالح دعاك ..
اللي تسئل عن حركت البيبي انا حسيت فيها وقدرت اميزها بنص الخامس
وقبل بس تحسي نبض في بطنك وقليل تلاحظين .
الله يقومك بالسلامه انتي وجميع الااخوات ..
بنات اللي مااذكرت اسماكم سامحوني الجدد ماعليش ماتحضرني اسماكم
لاتزعلون والله حنا هنا اخوات واكيد نسئل على بعض من المحبه
والخوف على بعض بس احيانا ننسى
واحيانا البعض ماعنده خبره كثيره بالحمل عشان كذا ماتلاقون رد
بس فيه بالمنتدى تجمع لحوامل الاشهر الاولي والوسطى والاخيره
اللي ماتلاقى جواب هنا تروح للتجمعات وتسئل لمين تلاقي اجابه
وكمان فيه تجمعات بدردشه الولاده اقول الكلام هاذا للجدد
لاني بصراحه قبل كم يوم حصلت وحده تسب بتجمعنا
واللي ماتفوتها الصفحات اكيد قرت كلامها ونقول الله يسامحها
بس مالها حق تقول منتدى خايس وتدعي علينا وعيب هالكلام
ماحصلت طلبها تدعي علينا
النت عالم كبير تبحث على طلبها بمنتدى اخر
لاتدعي على خلق الله ..
الله يهدي الجميع ....وبث
بنات لاتنسوني من دعواتكم لاني تعبانه والله الحركه البسيطه تتعبني
واذا شفت نفسي اقدر اجلس ماااراح انساكم
وعلى العموووم انا يوميا ادخل من جوالي واقر سوالفكم::
اختكم المزعجه والي ماتسكت ((زهوووره ))