الحمد لله يا بنات ولدت يوم الاربعا الموافق 1432/9/5 الساعه 10:00 صباحا بعمليه في مستشفي الاطبا المتحدون بعد فضل من الخالق علي يد الدكتوره امل صفوت وهي دكتورتي اللي بتابع معاها ودكتورة صباح حداد لانها عمليه. وهذه قصة ولادتي اليكم: أنا المفروض اخلص 40 اسبوع يوم الثلاثا 1جماد لكن ماجاتني ولاده ورحت الاربعا الدكتوره بموعد فقالت لي الرحم مفتوح 1 سم وراس البيبي نزل لكن بعيييييد مو في الحوض حاولي تمشي كثير وتشريد زيت خروع وأشوفك الأحد. رحت مشيت وخروعت وشربت قرفه وزنجبيل واكلت تمر وعسل وحبه سودا بس طبعا مابدات هذا كله الا الجمعه عشان الخميس كانت ملكة اخويا المهم رحت الأحد قالت مفتوح 2سم وانا جاني ضغط مع الحمل وكان شويه عالي فقالت نتطمن علي البيبي وطلعتني غرفة الولاده وحطولي جهاز الضغط وتخطيط قلب البيبي ولما لقت كل شي سليم الحمد لله قالت روحي البيت والصباح بدري تعالي اعمل لك طلق صناعي . ايوا صح السبت الساعه 12 الظهر نزلت ماده لزجه ودم عرفت انها السداده. و رحت الاثنين الصباح الساعه 11قالوا مافي غرف ولاده كلها فل . قلت احسن لأني كنت خائفه من الطلق الصناعي . وطنشت ورحت الاربعا بموعد الساعه 1 الليل كشفت عليا وقالت لي مافي شي تتغير بس مش حسيبك تطلعي الان نعطيك الطلق . وطلعت الغرفه وحطولي اجهزة التخطيط والطلق ومن الساعه 2 الليل لحد 5 والرحم لسه 2سم . وفجأه الساعه 6 حسيت بشي طق من جوووه ومعاها الم ناديت الممرضه وأعطتني كمانه وابره مسكنه في الوريد الابره تدوخ كأني ابغي أنام بس كل ما اروح في عالم يصحبني الام اللي صار يجي كل 5 دقائق والكمامه ولاشي بجنب الألم وزوجي مسكين كان معليا واتفقنا ماتقول لاحد الا لما أولد. المهم ماجات 8 الصباح الا الرحم فتح ولاااااده وجات دكتورتي والقابله والممرضات كلهم ويقولي لي ادفعي وانا ادفع ومافيني حيل أبدا والراس مازالت عاليه والممرضات خضخضوني وضغطوا علي بطني والدكتوره تساعدني وانا مو راضي يجيني طلق طويل كان شويه بارد ويشرد عشان كده مافي دفع زين وخلاص تعبت وقلت لزوجي ابغي قيصريه تعبت والدكتوره مسكينه صبرت عليا وصارت تقول نحاول محاوله اخيره وحاولت مره و اثنين والراس بعييييييد وآخر شي النونو بوجهه وكل ما ادفع ويشرد الطلق يصير نبض البيبي صفر النهم حولوني عمليات علي طول دخلت الساعه 9 وبنج كامل لأني منهكه خلاص وماجات 10 الا وضنايا حبيب امه شاف النور . والحمد لله علي كل حال قدر الله وماشا فعل وسميته حسن باسم ابو زوجي . يارب إقبالهم يا حوامل بس طبيعي ان شا الله لان العمليه متعبه بصراحه لكني اكلت العلقتين هههههههه. وبس هذه قصتي