[demah]

هو : بدي اطلب بيتزا .. بدك اشي؟'

هي: 'لا.'

هو : 'اوكي.'

هي : 'و لا قلك ...؟'

هو: بدك اطلب لك كمان؟'

هي: 'مش عارفة.'

هو : 'مش عارفة اذا بدك شي؟'

هي : 'لا.'

هو : 'انتي جوعانة؟'

هي: 'يعني .'

هو : 'شو يعني يعني...؟'

هي: 'يعني معناها مومتأكدة اذا كنت جوعانة او لا.'

هو: 'الواحد لما يكون جوعان بيعرف'

هي : يمكن جوع بعدين'

هو: 'معناها اطلب لك بيتزا.'

هي : 'طيب و اذا ما كنت جوعانه وقتها..؟'

هو: 'ما تاكلي.'

هي: 'بس هيك بيكون تبذير'

هو: 'طيب . بتاكليها بكرة.'

هي: 'و اذا ما كان الي نفس آكل بيتزا بكرة؟'

هو: 'هاي ما بدها نفس .. الواحد بيقدر ياكل البيتزا كل يوم '

هي: 'انا لا .. ما باكل بيتزا الا لما يكون عندي نفس للبيتزا.'

هو: 'معناها بطلب لك شي تاني'

هي: 'بس انا ما بدي شي تاني'

هو: 'يعني بدك بيتزا؟.'

هي: 'لا.'

هو: 'يعني ما بدك شي؟.'

هي: 'امبلى.'

هو : 'جننتيني شو بدك؟'

هي: 'اطلب انت لحالك..'

هو: 'اخيرا .. ماشي..'

هي: 'بس اطلب بيتزا بالتونا'

هو: 'بس انا ما بحب التونا.'

هي : 'بس انا بحبها.'

هو : انا بدي اطلب الي و لا الك...؟!'

هي: 'الك طبعا.'

هو : 'طيب و ليش بالتونا. ..؟'

هي: 'يمكن جوع لما يوصل الاكل'

هو: 'و شو يعني؟'

هي : 'بالله؟ شو يعني فكرك آكل شي ما بيعجبني؟'

هو: 'ليش هو انتي بدك تاكلي؟'

هي: 'ليش لا ؟'

هو : ' يا مثبت العقل و الدين .. يعني انا لازم اطلب بيتزا الي , مشان انتي تاكليها اذا كنتي جوعانه؟؟'

هي: 'بالضبط..'

هو: 'و انا شو بدي آكل؟'

هي: طيب يمكن ما أكون جوعانة...'

ملاحظة: محكمة الجنايات قررت الافراج عن الزوج المتهم بتهمة 'قتل الزوجة مع سبق الاصرار و الترصد' و تحويل القضية الى 'قتل الزوجة دفاعا عن النفس .