السلام عليكم ورحمه الله
ازيكم يابنات
انا عرفت انى حامل من قبل ميعاد الدوره بعشر ايام كان مجرد احساس او شك
اولا انا كنت متجوزه من شهرين وكنت متوقعه انى احمل الشهر دا لان اول شهر افضل مع جوزى من اوله للاخره بحكم عملو وسفرو
فى الشهور العاديه كانت الدوره تجينى بوجع قبلها بااسبوع او عشر ايام اعرف ان الدوره هاتيجى
فى الشهر دا محستش بااى الم للدوره ولا مغص وقبل الميعاد بااسبوع جانى حموضه عاليه
وفى انواع من الاكل مش طايقه ريحتها تقلب معدتى
وجبت شريط اختبار من كتر الفضول وعملت التحليل قبل ميعاد الدوره بخمس ايام
وطلع شرطتين بس التانيه مكنتش واضحه اوى فمقولتش لحد انى عملتو
وجه ميعاد الدوره يومها جبت اختبار تانى وطلع التحليل شرطتين
وبعدها كشفت بااسبوع قالتلى انى حامل الحمدلله
والوقت انا فى الشهر الخامس اول اسبوع من الخامس وقالولى ولد مع انى كنت متوقعه بنت
لان اعراض الحمل كانت عاليه وكنت برجع كتير وغثيان مستمر ولحد الان بس بسيط
والحمدلله وربنا يكمل على خير ودى حكايتى بالتفصيل وجعت دماغكو اكيييد