البارت الواحد والعشرووون
21
بعـــــــــد 8 اشهر
روبي الى الان مختفيه عندهم لا يوجد لها أي اثر،،نواف تحسنت حالته تقريبااا وطلع من حالت الاكتأب الي جته وصار طول وقته بلشغل وبفضل الله ثم نواف نالت شركتهم ارباح مهووله بمساعة طلال طبعاا ومهارة نواف الي تعلم الشغل بسرعه،،فيصل وزياد تخرجوو ورجعوو الرياض وقدمو على وضيفه في بنك وقبلوهم وفيصل وحدد موعد زواجه برهف بعد شهر تقريبااا،،العنود تدرس وخصوصاا ان باقي لها سنه بس الجديد في حياتها ان زياد تقدم لها رسمي وقريب بتملك عليه،،روبي خلصت هذي السنه وباقي لها سنه دراسه عشان هي ضيعت سنه بلا دراسه يوم وفاة ابوها ولا كان الحين هي مثل العنود آخر سنه...
في بيت ابوو طلال
سليمان:مبروووك مبرووك يانواف والله انك رجال كفوو وتستاهل
نواف:الله تسلم هذاا من طيب اصلك
طلال:يبه الصفقه صحيح نواف الي جابها بس انا ساعدته امدحني شوي
سليمان:وانت بعد ياولدي يعطيك العافيه كلكم والله انكم رجال عيال رجال
نواف وطلال:تسلم
سليمان:يله يا عيال انا استأذن بروح للديوانيه تبوون شي
نواف وطلال:سلامتك
سليمان:الله يسلمكم>>>طلع
طلال التفت على نواف:وش فيك يا اخوي كنك مو مبسووط؟؟
نواف:والله ياطلال اني فاقدها تصدق لو كانت موجوده كانت بتفرح لي،، كنت بشوف الفرحه في عيونها آآآآآآه بس وينها؟؟؟ وينها؟؟؟
طلال الي وده يعلمه بس وش يسوي مايقدر وهو يحط يده على كتفه:خلك قوي يا اخوي ان شاءالله هانت وبتلقاها وبعدين الي مكانك يفرح مو يزعل انت سويت لها الشي الكثير وان اشاءالله انها بتسامحك وبترجع لك
نواف: ان شاءالله ،،فمان الله
طلال الي حاس بحزن نواف بس مافي يده شي:فمان االكريم بس نصيحه خلك صابر وان شاءالله ربي معك
نواف:ان شاءالله
ما بنكسـر صابـر .. لو فرصتي تمضــي
والحظ لـو عاثـر .. بصنــع أنــا حـظــي
لــو تنثـر أحـلامـي .. برجــــع أرتبـــها
ولو تصعب أيامـي .. بعيش وماحسبها
يامسهل الدنيا مهما تعاندنا
عادي التعـب عادي .. والهم هو ملحه
ولو ما الحزن بادي .. مانفهم الفـرحه
بعد كـــــــــــم يـــــــــــوم
وحشتني سواليفك وحشة شوفتك أكثر
كل ليلة مع طيفك حبيب الروح أنا أتحسر
طاير من عيوني النوم على ذا الحال كل يوم
سمّعني حبيبي صوتك وسيرني على كيفك
كلامك فيه نشوة الروح يحرّك فيني الوجدان
يعطيني أمل مفتوح في لقياك مهما كان
ساعة يختفي صوتك أعيش بعالم النسيان
ولا قطعت علي الصوت أنا ما اقدر على الحرمان
في مكتب نواف
نواف:صحححححححح،، طلال ،،وشلون الفتره الي راحت راح عن بالي؟؟؟
على طول نواف اتصل على مكتب طلال : طلااااال تعال مكتبي بسرعه
طلال:اوك
بعد شوي جاا طلال:هلا نواف بغيت شي؟؟؟
نواف:اجلس
طلال:وش فيك؟؟؟
نواف:في ذمتك اذا كذبت طيب
طلال:طيب،،بس قل وش فيك؟؟ خوفتيني
نواف:احلف
طلال:والله منيب مكذب بس قلي وش فيك؟؟؟
نواف:روبي لها أممممم >>>وهو يحسب بعدين قال: اربع شهور في بريطانيا وثمان شهور في السعووديه يعنيييييييي 12 شهر،،و12 شهر يعني سنه كامله مختفيه صح؟؟؟
طلال:صح
نواف:انا شفت الخوف والاهتمام في عيون الكل على روبي الا عيونك ليش؟؟؟؟
طلال وهو يبلع ريقه:وش قصدك؟؟ اني ماخفت ولاهتميت بروبي؟؟؟
نواف:لالالالا موب هذاا قصدي!!
طلال:اجل؟؟؟
نواف:انت تعرف مكانها عشان كذاا ما اهتميت ولا خفت مثل الكل
طلال بأنكار:من قال؟؟ لا انا ماا اعرف
نواف:طلال انت حلفت وانا قلت بذمتك وصدقني لو كنت تكذب علي مراح اسامحك طوول عمري
طلال الي سكت :....................................
نواف:والله اني داري انك تعرف مكانها انا شكيت بس قلت لا يمكن هوو بارد ومايحب يضهر عواطفه بس قلت مافي انسان جامد لهذي الدرجه ما يهتم
طلال:بس هي محلفتني مايدري احد؟؟
نواف:بس انا مانيب احد اناا زوجها
طلال:بس هي منحاشه منك
نواف:ادري ودامها منحاشه مني انا الي مفروض اجيبها لان المشكله مشكلتي مو مشكله احد غيري
طلال:والله روبي لو تدري اني انا الي معلمك ما تجيبها للبر
نواف:اصلاا لا تقولها اني عرفت بشي انا بروح لها مكان ماهي موجوده وبحاول اجيبها
طلال:والله مدر وش اقولك؟؟
نواف:قل تم وعطني العنوان
طلال:............................
نواف:طلال والله حرام عليك قسم تعبت بدونها خلني احاول يمكن ارجعها واوعدك لوما رضت ترجع معي بتركها في حالها بس ابي اشووفها اروي نظري بشوفتها أشتقت لها مايحس بنار الفرقااا الا دايسها طلبتك يا خووي لا تردني
طلال الي كان من اشد المتعاطفين مع نواف وخصوصاا بعد ما الكل تخلى عنه وخصوصاا جده وروبي الي ما تبيه ومعتبرته خاين ومايستاهل انها تشوفه ومع هذاا تحبه :تم واناا اخوك تم
نواف بفرحه مايدري وش يسوي مو مصدق انه بيشوف روبي وراح لطلال وضمه:مشكوور والله ما ادري وش كنت بسووي بدونك
طلال:وش دعووة؟؟يله استعجل عشان تحجز اقرب طياره لبريطانيا
نواف:هي هناك؟؟؟
طلال:ايه في مانشستر
نواف:عند خوالها؟؟؟
طلال:لالالالا عند العم فادي
نواف:هوو في لندن مو مانشستر؟؟؟ وشلون؟؟
طلال:سالفه طويله الحين خلص الدوام تعال معي وانا اسولف لك في الطريق
نواف:يله
في بريطانيا
يمرالليل في وقتي وشوقي كسرالاضلاع وعيني ساهره تبكي وكل الناس هجاعه
الاياشوقي السامرتطوع وارسل الاوجاع الآ من هو برمش العين ساكن الحاله
انا مليت من فرقا حبايب ذكرهم ماضاع وشوفتهم بتشفي قلب ضامي زادة اوجاعه:آآآآآآآآآآآآآآآآآآآآآآآآآآآآآآآآآه يانواف ليتني اقدر انساك
اليوم الثــــــــــــــــــــاني
في الريـــــــاض
في المطار
طلال:نواف خلاص عزمت؟؟
نواف:مابذني مااا بس تكفى لحد يدري اني رايح لها
طلال:ابشر بس انتبه على نفسك وأختي
نواف:ان شاءالله انت خلني اشوفها بس وبعدين يصيير خير
طلال:لا ان شاءالله بتشوفها وبتشبع منها
نواف:ان شاءلله ،،يله سلام اسمع ينادون على الطياره
طلال:يله بالسلامه ان شاءالله
نواف:الله يسلم
في بريطــــــــــانيا
اليوم الثاني
روبي خلصت جامعه ومييييييييييييييته طفش وخصوصاا انها وحيده بعد مارجع العم فادي لندن عشان شغله...
روبي تفكر ياليتيني بقيت بضيق بطنگ يايمه وَلا طلعت وَ ضاق بي وسع هالگون!!
وحشني والله فاقدته ليتني قدرت انساه والله تعبت تعبت ليتني اقدر اشووفه اسمع صووته أي شي آآآآآه بس مشكلة لآ جرحك اللي تحـبه إن جرحته مآ فرحت وإن تركته مآ آسترحت
وبعدين تعبت من التفكير ودخلت في سبااات عنيييييييييييييييييييييييييييييييييييييييييييف>>جد يده هذي انا سمعت عميق بس عنيف جديده هع
هبطت الطائرة المقلعه من العاصمه الرياض الى بريطانيا بسلام ولله الحمد الي كانت تحمل نواف العاشق المشتاق لرؤية حبيبته الي تركته بسبب خيانته لها وان لم يكن يخونها في ذالك اليوم....
في الرياض
مازالت الماحاولات مستمره لأرضاء الجد على نواف لانه من هذاك اليوم من طلع معد رجع لأهله وسكن في شقه بلحاله...
الجده منيره:الله يرضى عليك يا ابوعبدالله كلم نواف خله يرجع لهله والله لوتشوف امه وخواته والله مايهونون عليك
محمد:اجل تهون عليك بنت ولدك الوحيده الي ضيعها؟؟
منيره:لا ماتهوون والله بس الولد يقولون مظلوم
محمد بعصبيه:حكي فاضي امه تحاول تهون عليه الي سواه
منيره:بس والله الولد ماخلى مكان مادور عليها فيه
محمد:مايكفي وغصبنااا عليه يدورها خايف مننا ولا لو ماكنا موجودين كان ذابحها من زمان
منيره:حرام عليك لا تظلم الولد وبعدين انت تعرفه زييييين وانت الي مربيه بنفسك
محمد:لا هذي مهيب تربيتي،،من سافر لبريطانيا وتعرف على سويده الوجه معد هوو ولدي ولا اعرفه
منيره:بس خواته يقولن انه تركها
محمد:وش بعده؟؟؟ بعد ماضيع بنت عمه سويد الوجه،،انا مرسلها معه عشان يحافظ عليها ويراعيها يرد لي بلاها
منيره:خلاص يامحمد الي فات مات وبعدين الولد عطاك وعد انه هوو مثل ماضيعها بيردها
محمد:لا ردها يكون لي كلام ثاني
في بريطانيا
كانت جالسه على الكرسي في الحديقه ومن الزهق ماسكه الكميراا حقتها وتتفرج على الصور الي جمعتها بنواف صحيح ماكانت كثيره بس تقزرها فيهم>>>حلوة صح خخخ....
وصل للمكان الي روبي موجوده فيه كانت مثل ما تركها ويمكن زادت جمال على جمالها يااااااااااااه وحشتنيييييييي موووووووووت ما اصدق انها قدامي واني اشووفها،،كانت لابسه فستان لنص الساق سماوي كلون السماا وتاركه شعرها على حريته وكانت باين انها متحمسه مع الكميرا الي معها،،عيونها على جمالهم الاخاذ الا انهماا لم تستطيعا اخفاء الحزن الساكن فيهما،،وقف متنح مايدري وش يسوي يركض لها ويحضنها ويعبر لها عن اشتياقه ولا يصرخ روبي ويسمع الناس بلفرحه الي ماليته بس خوفه من انها تصده كان مسيطر عليه وكان السبب الرئيسي في منعه من ماكان يجول بخاطرهــ بس اطلق تنهيده من قلب لدرجه انها كانت مسموعه:آآآآآآآآآآآه
روبي الي كانت مررره مويم الدنيا ومتنحه على صوره يالبه قلبه ليتني اشووفه بس تنهيدته المسموعه شتت تفكير روبي ورفعت راسها بس صدمتها بوجوده شلتها لدرجة انها ماقدرت تتكلم في كلمه وحده وعيونها غرقت دمووع أشتقت له اشتقت لكل شي فيه لـعيونه السود الوساع اشتقت لصوته لعصبيته لكل شي فيه لملامحه الجدابه لغمزاته الي تبان كل ماضحك وفي نفسها:
يامرحبا يا مرحبا الساع يا بوعيون سود ووســــاع
اقرب تفضل وسط قلبي لك في سويدا القلب مرباع
تعال يعل الله يخليـــــك لقلب بك هام والـــــــــتاع
القلب يتشرف بجيتــك ويقول لك يا مرحبا السـاع
كان لابس تي شرت أبيض وجنز أزرق،،كانت المشاعر في داخلها متضاربه أشتياق كره لخيانته وقهر منه وحب له ماتدري وش تقوول؟؟ ولا وش تسوي؟؟ بس الي تعرفه انها تحبه للحين وعمرها مانسته برغم ابتعادها عنه لمدة سنه كامله الا انها ماكانت كفيله بأنها تنسيها نواف>>>يااااااااااااااه من زمان ماصرخت نوااااااااااااااف وحشني حتى نطق اسمه...
مررة فتره طووويله من الصمت بينهم كانت لغة العيون سيدة الموقف عيون نواف تتحدث وعيون روبي الي ماليتها الدموع تجيب بخجل يقولها احبك تقول انا اموت فيك يقول اشتقت لك تقول واناا كثر يقول لها ليش سويتي كذاا؟؟ تقول غصب عني!!!
نواف شاف كل شي في عيون روبي الحب الكره الاشتياق القهر مشاعرها المتضاربه لم تخفى على نواف الي اخيراا نطق:ليه الدموع؟؟؟
روبي من يوم ماسمعت صوته وهي خنقتها العبره حتى صوتك وحشني كل شي فيك أشتقت له:.........................
نواف وهوو يقرب لها شوي شوي خايف من رد فعها من نفورها منه بس ما أهتم وكمل شوقه لها خلاه يروح لها بدون حسبان ومسح دموعها بيده:ما ابي اشوفهم>>>وابتسم ابتسامته الي تذوب ونظرته الي تذبح
روبي الي كانت ناويه تكون قويه بس من قرب منها ومسح دموعها بيده وكن كهرب نفضها انتفضت وبعدت عنه لانها عارفه نفسها لو سمحت لنفسها انه يقرب اكثر ماتدري وش كان بيصير من شوقها وبصوت تتصنع القوه فيه:وش جايبك؟؟؟
نواف كان متوقع شي زي كذاا عشان كذاا ابد ما خلا للصدمه مجال:انتي؟؟؟
روببي بنفس القوه المصطنعه":على اساس انك مره مهتم فيني؟؟؟
نواف:ايه مهتم
روبي:واضح
نواف:حرام عليك ياروبي والله انتي ظالمتني ماتدرين وش السالفه؟؟؟
روبي:ايه صح ما ادري اقولك انا شفتك معها ذاك اليوم في الشقه سواا وبسخريه على الاقل سكرتوو الباب يعني احسن من الي رايح والجاي يشوف مناظر زي كذااا!!!!
نواف الي كلامها يجرحه اكثر واكثر:وانتي كيف تصدقين شي زي كذاا اناا كنت..................
روبي تقاطعه:كيف اصدق ؟؟؟ ههههه ،،والله حاله،،انا شفتك بعيوني ومحد جاا قالي تقول لي تعالي عندي الصبح بدري لا تتركيني تكذب علي تبيني اشووف لييييش؟؟ اصلاا مايحتاج كنت ادري انك ما تحبني ولا تبيني بس تسوي كذاا هذاا الي ما ارضاه
نواف وهوو يحلف:وربي انه ماصار بيني وبينها شي هي كانت جايه تترجاني اسامحها صدقيني والله اني ما احبها ولا ابيها قسم بالله انا احلف وبعدين اذا مو مصدقه عندك العنود صديقتك خلها تقولك وش سويت من رحتي اناا كنت ادور عليك مثل المجنون في كل مكان ماخليت مكان مارحته حتى الشرطه وبلغتها ولاتقولين مثل الكل اني خايف من جدي لا ترى انا ما خفت ولو ابي مايا كان شفتيني معها للحين وما اهتميت فيك ولا دورت عليك روبي انسي الي راح والله انااا..............
روبي وهي تمسح دموعها وتقاطع نواف بأنفعال:انت ايش؟؟؟ تكلم قوول عاادي انا اسمعك وعطته ظهرها عشان ما يشوف دموعها وضعفها وكملت كلامها انت ماعندك شي تقوله والي يسلمك كافي ذل واهانه تضحك على قلبي وانا اقول مسكين شفتك بعيني شفت معنى الخيانه لو طاب جرحي اصبح الجرح جرحين
نواف الي ما اهتم بكلامها وكان مركز مع الي يبي يقوله ومايدري كيف يوصل لها انه: أنا .. يعني .. لو .. بس .. لو .. لو .. أنا .. ودي .. أأ .. أنا .. أناا .. أناااا .....أنا أحبك .>>>أخيراا طلعت يانواف>>والله مابغيت هع
روبي الي من سمعت على طول التفتت وكنها مو مصدقه:وشوو؟؟؟
نواف من شاف انه شدها والتفتت له كمل بكل ثقه هذي فرصته الوحيده لازم يرجعها له:ايه لا تستغربين انا احبك صح متأخره بس والله انا بلاك ولا شي رووبي ارحميني حرام عليك
روبي بطنازه:تحبني واضح؟؟؟
نواف بثقه: ايه أحبك..........
روبي تقاطعه مكمله كلامها:يانواف الي لازم تفهمه ان الحــــــب كلمة عظيمة كلها احساس ومشاعر ماهو من قال أحـــــبـــك وعقبها يجرح الخواطر
نواف :انا والله ما اكتشفت الا متأخر واعترف اني غلطان
روبي بأنفعال قالت:ليه تضن ان الحب رخيص؟؟ لااا انت تكذب لا تقولها اانت هذي الكلمه حافظها بس يانواف انت جرحتني ومستحيل تكون ماحسيت بحبي لك من اول انا كلمة احبك كانت ابسط حقوقي وانت استخسرتها فيني يانواف
نواف :يمكن اكون حسيت بس حبي لمايا اعماني والله انا لاحبيت حبيت بصدق ومايهمني الناس واذا كرهت اكره بصدق واقولها في وجه الواحد وبدون نفاق
روبي:يعني لو ماكانت مايا خاينه ماكنت رجعت لي صح؟؟؟
نواف:لا والله كنت برجع لك تعرفين ليه؟؟؟
روبي:ليه؟؟؟؟
نواف:عشان انت من تركتيني اول مره وانا حاس اني ما اقدر اعيش بدونك بس كنت اتناسى وجودك بوجود مايا
روبي:شفت كيف؟؟ قلتها بنفسك تنساني اجل ليش راجع؟؟؟
نواف وهو يتذكر: آهـ لو تدريين فيني كم هويتك كم سهرت الليل أذكركل تفاصيل المكان اللي جمعنا والكلام اللي حكيناه وضحكنا الي ضحكناه والله اني مانسيتك مانسيتك
روبي:انت يانواف خليتني وانا وقتها كنت محتاجتك
نواف:انا ماخليتك انتي الي تركيني
روبي:ما اقدر نوااف انت ماتدري وش كثر حبيتك،،انا من مات ابووي وانا كنت معتبره اني عايشه جسد بلا رووح بس من حبيتك حسيت روحي ردت لي بس بحركاتك خليتني اتندم وأحاول ارجع روبي الي بلا روح
نواف: أدري انك صرتي ضمن المستحيل بس قلبي رغم بعدك مانساك وأدري اني منك ضيعت الدليل والسبب لاشك هو كثر غلاك والله اني من سبب بعدك صاير عليل لدرجة اني أحس ان حبي لك صارهلاك
روبي:ما اقدر ما اقدر انت قاسي قلبك حجر انساني
نواف: ماهو على كيفي أنسى !لو بغيت أنسى لو إني أقدر على النسيان ماجيتك وماهو على كيفي أقسى !لو بغيت أقسى لو إن قلبي حجر ماكان حبيتك
روبي:...........................
نواف يكمل": بجد ابيك وما ابي انسان ثاني
روبي:نواف لاتضغط علي انا ما اقدر والله اخاف ارجع وانصدم الله يخليك انساني
نواف بعصبيه:وهووو الحب بيديك لعبه؟؟؟ متى ما مليتي قلتي انساني
روبي بنفس عصبيه نواف كانت جد مقهووره:ليه نسيت نفسك وش كنت تقول انتي اختي وفي حياتي ولا شي ولا تهميني اصلاا ولاتدخلين في حياتي ابد وكلام كثيييييييييير انت تعرفه اكثر مني ومايحتاج اعيده بس الي ابغى اسألك عنه هوو كيف كنت قاسي لهذي الدرجه؟؟ ماعندك احساس تسوي فيني كذاا؟؟؟ وبعد هذاا كله جايني بكل بساطه احبك ولا ابي حد غيرك؟؟؟
نواف يحاول يهديها وهيهدي نفسه وقال بهدوء:روبي إنسي الزعل إنسي اللي راح إنسي الألم إنسي الجراح خلينا نبداا صفحه جديده بيضاا مافيها شي من الماضي طمنيني بس خلني أرتاح
روبي الي خانتها دموعها:ياليت كنت اقدر
نواف:تحرميني من قربك وتبعديني عن دربك بس أنتي ماتقدرين تمنعيني من حبك
روبي:نواف بليز لا تحاول اكثر رووح ريحني ورووح
نواف:انا بطلع دام هذاا الي يريحك بس ابي اقولك شي هو ان كل البشر ما فيهم إنسان كامل الكل منا عنده أخطاء وذنوب وأكبر خطأ في الناس سوء التعامل وهذاا الي صار مني وانا اعترف بس أكبر ذنوب الناس تذنب ولا تتوب وانا جيت لك هنا عشان اعتذر لك وارجعك معي لاني بجد ابيك وانتي مارضيتي بلأعتذار ليش؟؟؟
روبي:....................................
نواف"يكمل:روبي اذا الله يسامح انتي ماتسامحين؟؟؟
روبي:............................................. ..........
نواف الي طال به الحال وهي ساكته:............................................ ........
حس ان وقفته مالها داعي:فمان الله وانتبهي على نفسك>>>>رااااح
روبي:............................................. ..................................................
ياما حاولت الفراق وما قويت
كـنت ابي أنـساه لكن ما نسيت
ما عـصاني قلبي بعمره ولـكن
إلأكـيد إنـّي أنا الـلي ما اشـتهيت
روبي تفكر في نفسها انا غبيه ليش اخليه يروح اذا انا ابيه واحبه وما اقدر فرقاه انا تعبت بدوونه وهو جااا لين حدي واعتذر لي وهوو صادق الله يسامح وحناا عبيده مانسامح ليش؟؟؟؟
وطلعت ترررررررركض وراه والتفتت يمين يسار وينه معقووله امداه راح؟؟
صرخت :نوااااااااااااااااااااااااااااااااااااف
بس هوو كان خلفها ورد بحنان:عيوونه
روبي الي ماصدقت نفسها وارتمت في حضنه بوله بأشتياق بحب وهمس لها نواف:أحبك
روبي:حتى اناا أحبك يانواف
وكانت تمر الحظات وهم في احضان بعض ولا واحد فيهم راضي يترك الثاني روبي الي كانت ماسكه في نواف بكل قوتها وكنه بيطير منها.....
يــاهـــــلا بــاللــــي عـــــوّد
عـلـــى الــزعــــل مـاتـعـــــود
يــدري أنــــي أحـــــبه
وهــــو عـلــــى حـبــــي زوّد
لــو زعـــــل مـاتـمــــادى
الـوفــــى فـــــيه عـــــاده
عــــــوّد لـقـــلبـــي حبـيبــــي
إللـــي مـا أقـــــوى بعـــــاده
يـاهــــــلا بنــــــور عـينـــــي
إللـــي حـــــس بحـنـينــــي
ذا دلــــــيل الـمـحـــــبه
صـــــدق أبيـــــه ويبـينـــي
يـاهــــلا بـاللــــي جــانـــــي
نــــور وشــــرف مــكانــــي
خـــــلاّ كـلمــــة حبـيبــــي
أحــــلا كـلامـــــه بلـســـانــــي
روبي: اخاف اغمض عيوني وان رمشت افقدكـ واخاف افتح وتصبح حلم ولا التقيك
نواف: أششششش ضميني بسكات واهمسيلي أحبك
روبي الي تضم نواف اكثر:أحبــــــــــــــــــــــــــــــكـ
>>>أخييييييييييييرااا>>>>الله يخليكم لبعض يارب ^_*
نرجع الريــــــــــــــــــــاض
بيت ابو طلال
سليمان:الا اقول ياطلال يا ولدي؟؟؟
طلال:سم يبه!!
سليمان:سم الله عدوك يا ولدي،،الا انا ما اشوف نواف جانا اليوم غريبه؟؟؟ غريبه وينه؟؟؟
طلال:والله يبه نواف مسافر
سليمان":مسافر؟؟!! وينهووله؟؟؟
طلال:لبريطانيا
سليمان:ورااه؟؟ وش عنده؟؟؟
طلال:يقول بيدور على روبي
سليمان":زين،،ليش هوو يعرف مكانها؟؟
طلال مايدري وش يقول لبوه يخاف يعلمه الصدق وماترضى روبي ترجع مع نواف وتطيح السالفه براسه:لا مايعرف بس يقول انه تذكر مكان ماراح له وحب انه يروح يتأكد
سليمان:ايه زين والله الولد ظليمته شينه والله انه يحب البنيه بس ابليس اعوذ بالله منه
طلال:ايه والله انك صادق يبه اعوذ بالله من ابليس
سليمان:عااد الي يشوفهم بلعرس يقول ان مابهم خلاف وش زينهم لايقينن على بعض
الا ام طلال داخله:الا اقول ياطلال ياولدي على طاري العرس؟؟
طلال ياربيييييييييه:سمي يمه!!
ام طلال:سم الله عدوك ياوليدي بس وش قلت على البنيه الي كلمتك عنها
سليمان:أي بنيه يامره ؟؟ وش السالفه؟؟ الظاهر اني آخر من يعلم>>>شدعووه حاطين على mbc هع
طلال:يبه هذي بنت عمي منصور جارنا امي شافتها يوم جونا ذاك اليوم يعزون في ابووي عبدالعزيز الله يرحمه وتقول انها كبرت وغدت وش ملحها وتبيني اخطبها
سليمان:الله يرحمه ويغمد روحه الجنه،،ونعم والله في منصور وبنته والله مانسمع عنهم غير السمعه الزينه وحبيبين وواصلين ومابهم خلاف
ام طلال الي استانست من زوجها سانهدها:شفت ياولدي خلني افرح فيك والله خايفه تطير من يدك والله انها وش زينها وصدقني بتعجبك
طلال:يصير خير يمه بس انا ماني مستعجل على الزواج
ام طلال :متى ياولدي افرح فيك والله خايفه ياخذ الله روحي وانا مابعد شفت ضناك
طلال بسرعه:وش هلكلام يمه اللله يطول لنا بعمرك
ام طلال:خلاص اجل اروح اخطبها
طلال:لا رجعت اختي روبي
ام طلال:الله يهديك
نروح لبريطانيا وتحديداا في لندن
رجعوو روبي ونواف لشقتهم في لندن عشان يسلمون على العم فادي ويشكروونه على معروفه وكرمه مع روبي الي استضافها عنده في بيته الي بمانشستر سنه كامله،،ويشوفون الشقه حقتهم هناك....
في شقتهم
فتح عيوونه ولقاها توها ماقامت وجلس يتأمل فيها ملاك فيها برائه عمره ماشاف مثلها ويييييين انا مالت علي ما اشووف عميي عندي هلجمال وهدلال واطالع في عقارب >>>جته العدوه خخخخ
نواف يغني لروبي وهو يصحيها >>رايق >هع:قم قم علم الصبح وش البارحه قلنا
خله يقول لعوواذلنا تصافينا
حتى يعرفون يوم انه تزاعلنا
كله عشان نقهرهم تراضينا
فتتحت عيونها على صوته ولقته يتأملها بكل مافيها ابتسمت له ابتسامت خجل:صباح الخير
نواف وهوو يبادلها نفس الابتسامه بس بدون خجل>>قولي واللله: صباح الجووري والكادي والروز وكل انوااع الورد ياوردة حياتي
روبي الي خلاص ذابت بس تصرف وهي تضربه على خفيف:ليش ماصحيتني؟؟ اروح ايسوي لك فطوور زعلانه عليك
نواف:لالالالالا كل شي ولا زعلك انتي اول مره يوم زعلتي هجرتي العالم سنه كامله وشلوون لو مره ثانيه ازعلك؟؟؟
روبي تسوي انها تفكر:أممممممممممم اهجرك طوول العمر
نواف:الله طول العمر مره وحده؟؟؟وش هلطاري من الصبح الواحد قايم مبسووط وتنكدين عليه؟؟
روبي الي زعلت بتصنع وبدلع زياده قالت:الله يسامحك يعني اناا نكديه؟؟؟
نواف الي راح فيها مره وحده:نكديييييييه بسم الله عليك من قاله؟؟؟
روبي:انت تقول تنكدين علي يعني نكديه؟؟؟
نواف:لا الا انا الي نكدي ونكيدي ونكديات بعد
روبي:ههههههههههههههه لا بسم الله عليك
نواف وهو يبتسم وتبان غمازاته الخقه ويغمز لها:تحبيني هااه؟؟؟ تحبيني؟؟؟؟؟دااري
روبي الي استحت ضربته بلمخده:لا >>>وقامت من السرير
بس يد نواف كانت اسرع منها:تعاالي وين؟؟؟ توني ماشبعت منك
روبي:وش ماشبعت منك؟؟ اكله اناا؟؟؟ وبعدين بروح الحمام عشان اجهز لك الفطوور
نواف:ايه اكله واحلى اكله ما تشوفيني ما ابي فطوور؟؟
روبي:بس اناا جوعاانه؟؟؟
نواف:كليني هههههههههههههههه
روبي وهي تبتسم:تنكت حظرتك؟؟؟
نواف:لا استخف دمي ههههههههههههههههههههه
روبي:واضح المهم يله بعد عني حبيبي خلني ادخل الحماام
نواف:ويلاااااااااااه والله صدق راشد يوم قالها
روبي:نواااااااااااااااااااااااااف خلاص حبيبي
نواف:وبعد حبيبي مره ثانيه ايه تبطين ان خليتك تروحين الحمام،،وبعدين خلينا مبسوطين ونرجع ننام موب احسن؟؟وغمز لها>>>*_^
روبي الي ولللعت من الحيااا" وتسوي نفسها معصبه:نواااف ترى اذا مابعدت برويك
نواف:يالبه الي يستحون،،وش توريني؟؟؟ اناا كلي لك
روبي صارت اشاااره من الحيا تحس بيجيها شي لو جلست معه دقيقه زياده:نواف جد خلاص
نواف الي مستانس على حياها وماوده يفكها بس فكها:بخليك تروحين يابعدهم بس الوعد بعدين الحين مستعجلين!!
روبي:"على ايش؟؟؟
نواف وهو يأشر على السرير ورجع مسك يدها:لو تجين هناا مانصير مستعجلين
روبي:لالالالا خلنا مستعجلين احسن،،فكني
نواف وهو مازال ماسك يدها يستهبل وبطريقه مضحكه :يعني ماتبين قربي؟؟ أهئ أهئ
روبي:ههههههههههههههههه الحمدلله والشكر نواف خلاص بس اسكت وفكني
نواف وهوو داخل جوو ومكمل استهبال وبدى يغني :يعني تظلمني واناا ما اتكلم واذااا اناا اخطيت..................
قاطعته روبي بضحكه:هههههههههههههههههههههههههههههههههه نواف والي يعافيك ههههههه خلاص فكني
نواف استانس من شافعها تضحك ورجع يغني:خلص حنانك مابقى الا قسوتك اقسى علي اقسى حلالك فدوتك قبلك قست دنياي وانت تموون آآآآآآآآآآآآآآآآآآآآآآآآآآآآآآآآآآآآآآآآآء >>>صرخ
روبي الي انحاشت للحمام وهي مييييييييييييييته ضحك>>>عضته الشريره>>يرحم*_*
نواف:تعضييني والله ما اخليها لك بس هين والله بجيبك بس اصبري علي
من راحت انسدح على السرير وهووو يتحمد ربه على الي عطاه وانه رجع له روبي والي عمره ما توقع انها من جديد بترجع له وحمد ربه على السعاده الي هوو فيها من رجعت له ولحياته الي اظلمت من راحت عنه وشمعته الي اشتعلت من رجعت له وسرح بخياله بعيييييييييييييييد لو مايا هي الي مكان روبي ما كنت بكوون بهذي السعاده اكيد عشان مايا استغلاليه وكان ممكن من اتزوجها أعطيها الجنسيه بتتركني وتعيش حياتها،، وضحك في نفسه ضحكه سخريه ههه اصلاا هي عايشتها من يوم ما كانت معي ومافي سعوودي مبتعث ما يعرفها ولا حاولت تتعرف عليه عشان يعطيها الجنسيه غبييي صدق اني غبي كييييف قدرت اصدقها سنتين كامله كييف؟؟؟ كيييييييييييييييييييف؟؟؟؟.....................
بس قاطع حبل افكاره صوتها العذب الحنوون الي كله دلع ويصرخ انووثه:حبيبي؟؟؟ نوااااف؟؟؟؟
نواف الي انتبه:لبيه؟؟
روبي:الي ماخذ عقلك يتهنا به
نواف:وفي غيرك ماخذ عقلي؟؟؟
روبي:ايه واضح،،بس العب علي العب
نواف:ههههههههههههه لا والله حرام عليك
روبي: ايييييييه اضحك يحقلك المهم
نواف:لبيه آمري تدللي كم عندي من روبي؟؟
روبي:أممممممممممممممممممممم وحده
نواف:واحلى وحده
روبي:يووووووووووه نوااف انت صاير تسرح فيني بزياده خلني اقول الي عندي
نواف:هههههههههه طيب قولي كلي آذان صاغيه
روبي:ايووه يالغه عربيه
نواف:ههههههههههههه مين الي يسرح بلثاني ؟؟؟؟
روبي:ههههههههه خلاص ههههههه خلاص
نواف:وشوو؟؟؟
روبي :لوسمحت تفضل الحمام وخذ لك شور سريع على ما اجهز الفطووور اوككك
نوااف:اوكيكاات
وربي وهي تمد له الفوطه:بسررررررررررررررررررررررررعه>>>وتشد عليها
نواف نفس شدة روبي:طيييييييييييييييييييييييييييييييييييييييييييي ييييييييييييب ويرسل لها قبله في الهوواا وهي ردتها له ودخل الحمام
على الفطور
روبي:الم اغراضي ليش؟؟؟
نواف:بنسافر ؟؟؟
روبي:بنسافر!! بس احنا ما حجزنا على الرياض للحين كيف تبينا نطلع واليوم بعد؟؟؟
نواف:حجزت وخلصت ياقمر الحين بعد الفطور تجهزينهم ونمشي رحلتناا على الساعه 8 ونص
روبي:اوك ان شاءالله اخلص بدري
نواف وكنه تذكر: الا بالمناسبه؟؟
روبي بأهتمام:وشوو؟؟؟
نواف:انتي باقي لك سنه صح؟؟؟
روبي:على الجامعه ؟؟ ايه
نواف:حلوو واكيييييييد ان شاءالله بتكملينها
روبي:ان شاءالله
نواف:طيب ماسمعتك تتكلمين في الموضوع؟؟ وش بتسوين؟؟
روبي:بكملها في الرياض ان شاءالله ولا نسيت اننا اليوم بنرجع؟؟
نواف:لا مانسيت،،بس ومن قالك اننا لو رحنا الرياض بنجلس واجد؟؟؟
روبي:أجل؟؟؟
نواف:انتي انشاءالله بتكملينها هناا في بريطانيا
روبي:وشلووون وشغلك؟؟ مو انت تقول انك صرت تشتغل
نواف:ايه بس انا متفق معهم اني اكمل وانا في بريطانيا يرسلونها فاكس ايميل المهم شغلنا كله ايميلات وكذاا عشان اناا ابغاك تكملين دراستك هناا في بريطانيا مثل ماوصى عمي عبدالعزيز الله يرحمه
روبي الي خنقتها العبره ماتدري وش تقول من الفرحه تحبببببببه والله انها تحبه عمرها ماشافت احد يستاهل محبتها غيره حتى وصيه ابوها مانساها:شكرااا
نواف الي انتبه:لالالالا لوسمحتي بلا دموووووع
روبي:هههههه لاماكنت ببكي بس خنقتني العبره
نواف:لا يرحم والديك لاتخنقك ولا شي ويلللللله بسررررررررررررعه ياحلووة تجهزي عشان نلحق الطياره
روبي:ان شاءالله
انتهى البارت الواحد والعشروون