[روح وقلب زوجها]

مرحبا
الله يجزاها خير صاحبة الموضوع لانه حلو وينفع لنا على الاقل نرتاح شوي من اللي بداخلنا ونستفيد من خبرات بعض

الله يرزق كل محرومه ويفرحنا كلنا بالحمل ويتمم حملنا ويرزقنا بالاطفال السليمين المعافين اللي يملون علينا البيت ويطلعون براسنا الشيب

حبيبتي جوهرة الفردوس انشاءالله يارب تكونين حامل وتفرحينا بخبر حملك

انا بصراحه احياناً اضيييق واجلس ابكي لحالي
وصايره حساسه واي كلمه تنقال قدامي عن الحمل احس انهم يقصدوني فيها
بس الحمدلله بسرعه اتمالك نفسي واجلس استغفر واتعوذ من الشيطان واحاول اشغل نفسي
كل شهر اتمنى اني احمل بس للاسف تنزل الدوره وتحطمني بس الحمدلله على كل حال الله يجبر بخاطري وخاطر كل محرومه ياااارب

خواتي احياناً يعصبون علي يقولون انتي ليه مستعجله تمتعي بحياتك لاحقه على العيال وشقاهم
بس انا بصراحه مررره خاطري احمل وبالذات اني جربت الحمل في بداية زواجي وشفت نبض الجنين وقلبي تعلق فيه
لكن ربي مااراد واجهضت قبل ماادخل الرابع باسبوع تقريبا الله يعوضني خير ..
ومن بعدها ماكتب لي الله اني احمل .. حتى زوجي وده بس ياحياتي يحاول يتجاهل الموضوع عشان مايضايقني
الحين وقفت علاج المستشفى وبديت اعالج عند حرمه تمرخ وانشاءالله ينفعني علاجها بعد الله


دعواتكم حبايبي