[صغيره بس خبيره]

السلام عليكم ياكروشاتنا العسولات


اول موضوع لي حبيت اعرض لكم خبرتي من خلال ولاداتي السابقة
ببساطة السر هو ( المشي الجاد والجادفقط )
انا ولدت اول مره بطلق صناعي وتالمت للموت لانو الرحم مارضى يفتح ومامشيت قبل الولاده الا قليل مره
ولادتي الثانية كانت اسهل لانو بعد نزول موية الراس مشيت كثير
ولادتي الثالثة كنت اراجع مع دكتورتي من اول شهر للتاسع ومتاكده باذن الله من عمر الحمل لاكن لما رحت للمستشفى بعد مانزلت شوية مويات سوا تصوير الدكتور بالطوارئ وقالي انتي بالثامن
طبعا تازمت نفسيتي وزوجي قفلت الدنيا بوجهه واكتئب
ياكبرها عند الله باقي شهر وانا رايحة ابي تنويم للولاده
رجعت للدكتوره بالخاص وقلتلها اللي صار قالت طنشيهم ياما هربوا من عندهم حوامل لاجل الولاده بمستشفيات برا محافظتنا
قالت انتي ماعليك الحين اللا انك تمشي ساعة او ساعة ونص كل يوم وكلها يومين وانتي والده قلت يومين ارحم من شهر
والله يابنات حطيت حيلي بالمشي بالشارع مع زوجي وفعلا بعد يومين فجاة جاني طلق
خفيف وبسرررعة على المستشفى وخلال ساعة بالضبط وانا والده بدون العذاب اللي تعذبته بولاداتي الاولى والثانية والرابعة كمان اللي مشيت فيها على السير فقط
وهنا اقولكم كمان ان المشي على السير يرفع البطن اياكم والسير
ياخر نزول الجنين حتى لو الرحم فاتح
المشي ثم المشي ثم المشي الجاد في الاماكن المفتوحه
*****
ماشاء الله تبارك الله
هذي خلاصة تجاربي الاربع باختصار شديد
اتمنى اني افدتكم وعندي معلومات كثيرة عن الحمل والولادة
اللي تحب تسالني من عيوني لوعندي جواب
(وادعولي الله يسر لي حملي الجديد الي جاء بدون ترتيب)