هلا ياامهات المستقبل
شخباركم؟؟؟
عسى نفسياتكم فل؟؟؟
انا ملاحظه ان اكثريه البنات الموجودات بالمنتدى من السعوديه عدل؟
انا من قطر وحابه اعرف بنات المنتدى اللي من قطر
عشان احنا نعرف مستشفياتنا وداكترتنا ونقدر نستفيد من بعض بشكل اخص اكثر
اما عن تجربتي \
انا سويت العمليه مرتين
الاولى : نجحت وكل شي كان تمام وجبت ولد وعمره سنتين الله يخليه لي يارب
وكانت بمستشفى حمد عند دكتور شحاته
والثانيه : عند نفس الدكتور وتم حمل بس الله ما اراد يتمم ونزل وعمر الحمل شهر وخمسة ايام
وحاليا انا مقبله على العمليه من جديد بس غيرت الدكتور وحجزت عند دكتوره ريم لاني محتاجه للاسلوب الحلو
لان شحاته معروف بانه جامد وبارد وانا بصراحه يهمني تعامل الدكتوره من جذيه غيرته
وبنص 4 موعدي ودعواتكم
يللا يابنات قطر سولفولي خل نفيد بعض ونستانس
فمان الله