سلام حبيباتي
اليوم ابي اقولكم كيف اسوي ارز بالحمص (الحمبص)
اول شي اقولكم
المقااااااااااادير**
دجاجه مقطعه ارباع بجلد حسب الرغبه
حمص
ماء الكادي (لاتستغربي)
بصلتين وحده كبيره والتانيه صغيره
فصين ثوم
بهارات(قرفه-4مسمار-4هيل-زنجبيل ناشف-وصله شيبه-ملح-فلفل اسود-قليل كمون)
ارز منقوع بمويهه حاره لمدة 30 دقيقه نصف ساعه
الطريييقه**
امسكي البصله الكبيره وقطعيها بلنص وشرحيها وحطيها على النار وخليها بزيت خمس دقايق
الين تصفرحطي عليها مطحون الثوم وقلبيه بعدين حطي الدجاج وخليه لا تحركيه وحطي موة الكادي شويه امممممم بنصف فنجان القهوه تقريبا بس لايكثر مره
وبرضو لا تحركي حطي البهارات والحمص
وحطي شوية مويه وخليه الين يغلي وغطي القدر والين يستوي الدجاج
خرجيه من القدر حطيه بصحن وامسكي ملعقه مخرقه وندري البهارات اللي حطيناها بلاول
ولو من الاول حطيتيه بشاش وبعدين بس تشيلينه عادي المهم
بعدين حطي الرز وغطي القدر الين يستوي الرز وطفي عليه خدي الدجاج وحطيه فوق الرز
وغطي القدر
امسكي البصله التانيه وبرضو بلنص وشرحيها
وحطي شوية زيت بلطاجن وخليها الين يصير لونها بني غامق شويه
واغرفي الرز وعليه الدجاج ورشي الكشنه فوقهم اللي هيا (البصل)
وبعد ماتحطي البصل بلملعقه خدي من زيت الكشنه ورشي على الرز
وبلهنا والعاااااااااااااااااااااااااافيه يارب