ازيك يا سارا
اولا ربنا يسهل ولادتك ان شاء الله
بصى انا كنت زيك بكريه و قلقاته ويمكن اكتر من يوم ما دخلت التاسع بس الحمد لله ولدت وجبت بنوته الله يخليها لى
بص عليكى بالمشى قد ماتقدرى وكنت هقوللك جماع كل يوم بس يلا عوضى بالمشى والتمارين ضورى ع النت وشوفى تمارين الشهر التاسع
فى تمرين انا كنت بعمله بتاع الكرسى تمسكى الكرسى وتبعدى رجللك عن بعضيها وانتى ماسكه الكرسى تفضلى تطلعى وتنزلى اتمنى انك تكونى فهمتى قصدى
وكلى بلع وعسل قد ماتقدرى عسل نحل طبعا هاتى بلح عجوه شلى النوه وحطى عليهم شويه زبده وشويه عسل وقلبيهم ع النار واملى برطمان وافضلى كلى منه ولما يخلص اعملى تانى حلو بيساعد ع الولاده
ولو لا قدر الله اتاخرتى عن معادك ما تخافيش لان ده طبيعى بيحصل لمعظم البكريات وانا كنت واحده منهم
بس اهم حاجه المشى والتمرين كل ما تفتكرى اعمليه او وانتى بتتوضى امسكى الحوض وافضلى طالعه نازله زى 10 مرات كده ×5 ادى 50 مره فى اليوم بس مش شرط اد ماتقدرى
معلش طولت وان شاء الله ربنا يديكى ساعه حلوه وتقوملنا بالسلامه يا حبيبتى وابقى طمنينا عليكى