[@مملكة العشق@]

مرحبا noon
انا ولله الحمد سويت التلقيح يوم الخميس مو الماضي اللي قبله
اول شئ اعطوني ابر منشطه جونال اف الجرعه 75 من ثاني يوم الدوره واستخدمتها لمدة 6 ايام وشفت التبويض عند الدكتور وقال لسى صغيره وقال استخدم الابر لمدة 5 ايام ونفس الجرعه وعلى فكره هو صرف لي من الشهر اللي فات حبوب فوليك اسيد والى الان استخدمها حبه باليوم المهم بعد 5 ايام رحت وكانت دكتوره موجوده والدكتور مسافر شافت التبويض قالت حجمها 8 ملم ورح ازيد الجرعه 150 وبعد يومين تعالي وبعدها رحت لها وشافت وقالت حجمها 11 ملم خذي الابر يومين بجرعة 150 كمان وبعدها رجعت لهم بعد يومين ولقيت الدكتور وشاف قال خلاص بكره تلقيح صناعي حجمها صار 17 هم 3 بويضات ووحده حجمها 17 وهذا المهم ((رفض يقول لي كم حجم الباقي ))
اعطاني الصباح الساعه 11 تقريبا ابره تفجيريه باليد فوق يعني تحت الكتف الجرعه 10000 وقال بكره الساعه 5 العصر عينة زوجك نوديها المختبر والساعه 7 بالليل العمليه دخلوني الغرفه ولبسوني لبس العمليات وحطوني على سرير وفعوا رجولي ((زي سرير الكشف او الولاده))جات الدكتوره دخلت حديده (بوز البطه) ما تعور كثيير وبعدها اخذت انبوب رفيع وطويل وسحبت عينة الحيوانات المنويه وجاء الدكتور ودخلها (((لازم المثانه يكون فيها بول اعزكم الله )))انا فضيتها قبل العمليه لان محد قال لي وفدخل الدكتور الانبوبه وحسيت بالم شدييييد في جهة اليسار بالبطن وبعدها سحبوا الانبوب قالت لي الدكتور صعبتي علينا لانه مافي بول وعشان كذا حسيتي بالالم ((قهرتني لانهم هم الغلطانييين ما قالوا لي )) وانسدحت لنص ساعه وبعدها رحت البيت والتحليل بعد 18 يوم وباقي 8 ايام وياااااارب لاتضيع تعبي والمي يااااااارحييييم