مازلنا فى الحديث عن أعشاب التخسيس التى تؤثر فى برنامج ضبط الوزن او ما يسمونه بالريجيم ..و على فكرة ريجيم دى اساسها يعنى خطة للوصول الى نتيجة ايجابية ..و ده لازم يكون مفهومك عن الريجيم ...يعنى الريجيم مش حاجة و احدة زى ما انا دايما باقول ....وبصراحة اعتقد جازما ان كل من اراد الوصول لنتيجة ايجابية من نظام ضبط الوزن يمكنه ذلك ...أعجب حينما اسمع ان اخت تقول جسمى معاند او مش بنزل ..الحقيقة العلمية و العمليه بتقول ان اى انسان ممكن ينزل وزنه بس مع خطة منضبطة مستمرة ..عمركم شوفتو مهندس يخطط لبناء صرح فى مدة شهر مثلا و يضع لذلك الاسس ثم تجده يكسل يومين وينام تلاته ...ده مش وارد ولو عمل كدة سيتهمه الناس بانه غير مخطط و لا منظم فى خطته و لا جاد ...و ليس الفشل هنا من الخطة بل من منفذ الخطة ...عارف انى استطردت و لكنى دائما احب ان ادخل فى جوهر المشكله ..لازم تؤمنى انك طالما قللتى حجم الداخل اليك و زودتى حجم الخارج منك لا زم يحصل نقص فى الحجم الكلى ..ده مش محتاج تنظير و لا معادلات ...القضية قضيه ((هل انا قادرة على اتباع خطة ام لا )) اذا اجبت بنعم فسترين نتائج حتمية ..اذا كانت بلا ..لان مفيش وسط يبقى النتائج قليلة او معدومة على حسب قدرتك على السير طبقا للخطة ...عارف صدعتو ...بس دى قاعدة حبيت اضيفها ....
*تكلمنا قبل ذلك و قلنا ...قد تكون سمنتك من نهم الطعام ..وقلنا عشبتين مؤثرتين فى كبح ذلك ..ومن جرب عرف بنفسه ..قلنا عشبة الهيوفاريقون ..و قلنا الشمر ..وطبعا ده مش كلامى وحدى بل كلام كل متخصصى الأعشاب المعتبرين ..
*اليوم سنتكلم عن جانب مهم جدا آخر..طالما اتكلمنا عن نهم الغذاء ...وقلنا ازاى نحاول نظبط الشاهية بطريقه آمنة ..لازم نتكلم عن أعشاب الملء التى تحسسك بالشبع من غير سعرات حرارية ....يعنى ببساطة اخدعى جهازك العصبى ..فالطبع كلما امتلأت المعدة ..نبهت المخ بذلك فبدأ مركز الاحساس بالشبع يصدر تنبيهاته بالكف عن الاكل و عدم الرغبه فيه ...يا جماعة اجهزتنا مبرمجة ...برمجها خالق كل شىء بطريقه ابداعية رائعة ..مش عاوز اطول فى الموضوع ده ..المهم نعرف مع بعض هذه الأعشاب المالئة حتى لا يطول الحوار ...باختصار كل الأعشاب التى تحتوى على الياف و غلاف ينتفخ بالماء تدخل ضمن هذه الطائفة ((بس بالطبع لازم تكون آمنة و غير ضارة)) وهى طبقا للأحسن من وجهة نظر الملء و قلة السعرات :
1-بذور قطونا ...تسمى عشبة البراغيث لأنها تشبهها حجما ...فى دراسة اجريت فى ايطاليا وروسيا ..اعطى نساء بدينات جدا هذه البذور بجرعة 3جم قبل الوجبات بنصف ساعة طبعا مع كمية من الماء ((كوبين او ثلاث))..لوحظ بعد فترة انهن نقصن عن اللواتى لم تعطين البذور ...البذور تنتفخ بالماء جدا الى اضعاف حجمها و تشكل كتله تحسس بالامتلاء ...بس لازم شرب كميه من الماء حتى لا تسبب مشاكل نظرا لانتفاخها ...يبقى خذى ملعقة صغيرة على مثلا كوب عصير او زبادى منزوع الدسم ..و اشربى بعدها كوبين الى ثلاثة من الماء ..لازم نلاحظ رد فعل الجسم مع تناولها ..لان بعض الاجسام حساسة لها ....من الامور الهامة جدا انك لازم تعرفى انها تؤخر امتصاص الدواء ..لو حضرتك بتاخدى اى ادوية نخليها بعدها بساعتين او قبلها بساعة ...بذور قطونا بتخفض الكوليسترول كمان ..ودى ميزة ((الاف دى اى )) موافقة على هذه الميزة ...بعض الابحاث تشير الى نفعها فى مرض جيوب الامعاء ((كرونز )) ودى حاجات مشجعة لاستخدامها ...و دى صورتها للافادة اكثر
http://www.bhailaltrikamlal.com/imag...lium-seeds.jpg
_اليوم سنكمل ما بقى من القسم الماضى وهو كيف اقاوم الاحساس بالجوع و نهم الغذاء باستخدام الأعشاب المالئة ...وقلنا ان هذه الاعشاب هى الاعشاب المحتوية على محتوى عالى من الألياف المالئة ..سواء كانت اليافا قابلة للذوبان ...او غير قابلة للذوبان ....و تكلمنا عن بذور قطونا ..و قلنا باختصار بعض فوائدها ..لان الغرض هو الكلام عن دورها فى (خطة ضبط الوزن) و ليس فوائدها الطبية عامة
*العشب الثانى المهم فى ذلك و الذى عليه الآن ثورة فى الأنظمة الغذائية العالمية هوة ..بذور الكتان ..وبذور الكتان مدرجة ضمن اكثر الاطعمة فائدة و منافع صحية ..و العالم كله بيتكلم عن فوائد بذور الكتان ..و بيبحث عن مدى قدرتها فى الحد من الأمراض و الأعراض ...ومواقع كاملة أنشئت لبذور الكتان ...وكنت تناولت فى احد المنتديات ملف بذور الكتان من وجهة نظر علمية بحثية ما له و ما عليه ..الذى يهمنا هنا ان بذور الكتان مصدر رائع لحاجتين هما من وسائل ضبط الشاهية و نهم الغذاء :
=الأول هو محتواها العالى من الألياف القابلة للذوبان و التى تنتفخ وتعطى احساس بالشبع و الامتلاء فتكون جيدة جدا فى موضوع ضبط الشاهية ..
=الأمر الثانى و الهام احتوائها على الاحماض الدهنية الغير مشبعة والتى اثبت و مازال يثبت العلم نفعها الصحى فى اشايء كثيرة جدا ....الذى يهمنا هنا ..أن بعض الأبحاث تشير ان تناول مثل هذه الاحماض يحسس بالشبع النفسى من خلال ميكانيكية معينه فى الجسم ...وكمان مش بس كدة بل يقلل من ترسب الدهون فى الجسم ...بل و يضبط مستوى السكر فى الدم فيقل الاحساس بالجوع ..حاجة ممتازة فعلا ...ده بالاضافة لفوائده الأخرى التى يتسابق الجميع عليها فى العالم الآن ...
*يبقى ضرورى لأى امراة تتبع خطة ضبط وزن ان تضيف لوجبتها ملعقة كبيرة من بذور الكتان المطحونة مرتان يوميا ...وطبعا يفضل ان تكون دى فى الصباح كوجبة افطار مع كوكتيل معين ..او قبل الغذاء مع شرب كمية ماء كافية ..وقبل اعشاء ايضا ..كدة هنحس بالشبع و ابقى اخذت مصدر هام صحى للاحماض الغير مشبعة وكمان قللت احساسى بالجوع و ظبطت السكر و قللت الكولسترول و قللت احتمال الاصابة السرطانات و قللت بعض اعراض سن الياس .....كل ده ؟؟؟آه كل ده طبقا لأبحاث كثيرة جدا و معترف بيها ..
*طبعا مش هتقدرى تسفى بذور الكتان لوحديها ..لقيت لكم تركيبة ظريفه جدا ...ممكن تكون مشروب صحى و مفيد و كمان يحسس بالشبع وممكن يكون وجبة عشاء او افطار فى خطة ضبط وزن ..تتكون من الآتى :
نصف كوب فراولة طازجة او مجمدة
نصف كوب لبن صويا
نصف موزة
ملعقتين كبار مطحون بذور الكتان
ماء كمية كافية لعمل مخلوط متجانس يسهل شربه ..