ابشركم ولدت ياربي لك الحمد والشكر
ولدت بالحبيب قمة بالتعامل والاخلاق وكل شي
انا جربت الولادة بمستشفى الولادة فرق شاسع عنه وعن الحبيب الحمد الله يارب
ولدتني دكتورتي ساجيلا يارب تحفظه مو دكتورة ذي ام ياحبيله ربي يجزاها خيير
طبعا انا اراجع عندها من الشهر الثامن وطالبتها تولدني وكانت تجي تشوفني بوقت الطلق بين وقت والثاني
لكن المناوبات هم اللي يقومون بشغلهم مريت على مناوبة شازية وشاكيلا كذلك يهبلون ربي يحفظهم وصبروااا علي كثير
مع ان وضعي يحتاج لقيصري لاني طويت يومين طلق صناعي وتحاميل ولا انفتح الرحم بس اصبروا علي لين فتحت الدكتورة شاكيلا الرحم بيدينها
ولما انفتح الرحم عشرة على طوول جت دكتورتي ساجيلا وولدتني
بس خوذوها نصيحه بنااااااااااااااات مني
طفلك لو احتاج العنايه المركزة انقليه لمستفى الولادة باقرب وقت لانه العنايه عندهم صح زينه واهتمام بس يسحبوون فلوووس ويحوسون الميزانية حووس
بنتي جت تعبانه وقعدت عندهم يوم ونص بس ب 7900 ريال
ونقلتها للولادة واللحين عاد ان شاء الله وضعها ازين ادعولها تطلع بكل صحه وسلامة باقرب وقت
انا عشان عندي سكري حمل جاها سرعة بالنفس والتهاب بالدم واللحين جاها صفار الله يشفيها ويطمني عليها يااارب
طبعا يابنات انا عن تجربه انصحكم بالحبيب والدكتورات اللي مروا علي وكانوا قمة اللي هم شازية وشاكيلا وساجيلا
ويدينهم حتى خفيفه بالكشف وكذلك مرت علي ندا الملا حلوة بعد بس اللي قبل بحس افضل
اللي تسال عن سعر الولادة فيها
اول ماتدخلين ياخذون منك 6400
الف منهم تأمين اذا جيتي تطلعين وماحتجتي هالالف رجعوها لك
طبعا اخذت عندهم ابرة الظهر مرة حلوة قيمتها ب1800