[الياه]

اللهم لك الحمد كما ينبغي لجلال وجهك وعظيم سلطانك

الحمدلله مافيني سكر
وما طاعوا يعطوني نتيجة الهموجلوبين
بس عادي كان همي السكر بس
ولاحقة على باقي التحاليل

ثانكس لكل اللي سأل عني

دمتم لي


عشمانه في ربنا

صح كلامج الواحد احيانا يحس بضيق بدون سبب
بس مب معناة أنخلي الضيق ملازمنا طول الوقت
رفهي عن نفسج، عني صراحه ارتاح واستانس
يوم اسولف وياكم مع أني ما اعرفكم!!!
وطلعي ويا ريلج لو تتمشون في السيارة وتغيرين جو
تابعي مسلسل مع أنه ما في شي مميز في التلفزيون
والأفضل
أنج توسعين صدرج بقراءة القرآن أو الأستماع له
المهم شغلي حياتج كل اللي تقولين عليه من الفراغ
الي تحسين فيه

الله يفرج همج ويسعدج دنيا وآخره

بنكي بنكي
pinkypinky

شخبارج عساج بخير، شخبار زايد سجلتي ولا بعدج
ما فكرتي أدخلينه حضانه
أكيد هو حاس بملل لو يسير حضانه بيلعب
وبيستانس وبتعلم بعد
تجهزينة للمدرسة
وفي نفس الوقت تتفرغين لنفسج والتوينز


سارة

زعلتيني لأنج مارديتي علي أبد أمس
بس بقولج أياها بصريح العبارة
أذا تميتي على هالوضع
تحملي اللي ياينج في الطريق
الريايل ما يحبون الزوجة المتطلبة
والشاكية الباكية
كوني له الحضن الدافي اللي هو حاس أنه في حد ينافسه
عليه عيالج الله يحفظهم
ولو بتترين أنه يزفج لبيتكم عروووس
بيطول انتظارج
هو جرب حياة العزوبية في فترة نفاسج
وشكلة عجباه الوضع
ومتخوف من المسؤولية وحشرة العيال
وشاري راحته بحجة البيت الكبير
اللي انتي طلبتيه؟؟
خفي على الريال
خدامة، وشقة ثانية، وسفرة بعد
ولا تنسين مصاريف التوينز بروحها تسد
والقرار لج في النهاية

والسموووحه لو ثقلت عليج بكلامي<<< ماتبى حد يزعل منها


بكمل ردووود بس آخذ نفسي هههههههه