تشكي وانا اشكي وكل منا له ظروف
تقول بي هم وانا اقول بي هم
لانبره تاصل ولاناظري يشوف
محروم انا منها وهي غصب تحرم
تعصف بنا الدنيا ونصمد لها وقوف
نموت ويبقى حبنا لايتهدم
حب تعلى فوق ميثاق وحلوف
لو طاح ماأظن الزمان يتبسم
يابنت انا وانتي والاحزان والخوف
صرنا رفاقه كلنا بدرب أعتم
درب جمعنا كله رماح وسيوف
وبله علينا لو مشينا ترزم
تشكي وانا اشكي والصبر يشعل الجوف
فينا عظيم الشوق والوجد أعظم
لو كان لهموم الهوا شفاة وحروف
كان الحشا من زود مابه تكلم
__________________